[dr.darsh]

أنا واحد من الناس كنت باقول ان أبو تريكة خلاص شطب كورة وآخره الموسم ده
لكن أداءه أمام البرازيل كان روعة وكأنه كان بيوجه الكلام ليا واللي فكروا نفس تفكيري
الصراحة أبوتريكة لاعب كرة قدم ما حصلش ولا حيحصل

_لكن عيبه انه دائما بيحب يخرج عن المألوف ويهتم شوية بتلميع نفسه اعلاميا وجماهيريا عن طريق المبالغة في رسم صورة التدين والأدب والأخلاق الرفيعة...وده بيمثل ضغط عليه وبيسحب الكثير من تركيزه في الملعب.

_من الآخر أبو تريكة ينقصه الاحترافية وانه يركز في انه لعيب كورة وبس....وطبعا أبو تريكة لو كان احترف من سنتين تلاتة كان ممكن يبقى حاجة أكبر من كده بكتير وساعتها بس كان العالم كله حيعرفه ويعترف بموهبته مش مجرد جريدة ألمانية

على هامش الموضوع:
_أعتقد المدرب اللي يقصدوه هو (راينر تسوبل)...اللي درب الأهلي وانبي والاتحاد
_في اعلان عن (جبنة طعمة) بيجي في التليفزيون بيقول ان أبوتريكة أحسن لاعب في افريقيا...طبعا ده اسمه نصب
لأن أحسن لاعب في أفريقيا هو (أديبايور) .... وابوتريكة الثاني
والاتحاد الأفريقي اختار أبو تريكة كأحسن لاعب (محلي) مش احسن لاعب في أفريقيا!!!!