[تامر ديزل]

مين هما الاغلبيه الصامته ؟
اي شعب في العالم بيكون فيه مجموعه تمارس العمل السياسي زي اعضاء الاحزاب وكوادر الحركات السياسيه ودول ليهم دورهم واحترامهم لانهم (متكلمين )وبيتكلموا في المشاكل والقضايا اللي تهم الشعب كله (دا المفروض ) وباقي الشعب او غالبيته لا تمارس العمل السياسي ( علشان كده سموها صامته )انما تشارك في الاحداث السياسيه وعلى راسها الانتخابات او الاستفتاءات ولما الامور بتخرج عن الاحتمال الاغلبيه الغير مشاركه في العمل السياسي بتخرج للشوارع وتنتفض
مش المفروض ان الشعب كله يكون متكلم لان العمل السياسي بيحتاج شوية وقت وشوية ظروف معينه مش بتتوفر لكل الناس
وعلى رايي توفيق الدقن في مشهد الختام من فيلم الشيطان يعظ لما سعيد صالح بيقوله عايز اشتغل عند المعلم الديناري : قاله وعاوز تشتغل ايه عبد المعلم الديناري ؟ قاله : فتوه
قال الدقن : لما كل الناس عايزه تشتغل فتوات مين اللي هينضرب بس ؟
وعلى فكره الاغلبيه الصامته زعلانه من شويه من المتكلمين نازلين فيها شتيمه واتهامات ولكن المسامح كريم