عادى 34 سنة وراكب بولو 98 ومصمم جرافيك ثرى دى ومدير قسم فنى ومونتاج تو دى وفرى لانسر فى 3 شركات فى مصر وشركة تجهيز معارض فى الارجنتين
الهاتش باك عربية لذيذة
ومش مكلفة فى صيانتها وتتلم بسرعة وتنجز فى الزحمة
يراجل الدائرى اصلاكتير جدا بيقف بالـساعتين تلاتة
العربية عشرة ولو العربية مش متهانة ومظبوطة هتريح صاحبها
ايه المشكلة انى اركب بولو ؟ علشان هاتش باك ؟
ايه مشكلة العربية الهاتش باك ؟ ما تمام فى الزحمة والمانى وقطع غيار معمرة ومبتاكلش بنزين وشكلها حلو
اقولك انا : مفهاش شنطة - لا فيها بس لو رتبت عربيتك هتلاقى فيها شنطة مناسبة جدا
فيه عربيات كتير تفتح الشنطة الى فيها تلاقيها زريبة - لمواخذة صح ولا لا ؟
لما تكون عربية صغيرة ومتظبطة وعدة صوت محترمة وجنوط اسبور وزينون وكاوتش جديد وكشف دورى ايه العيب الى فيها ؟
المشكلة ان ثقافتنا ماشية بالطريقة التالية :
الى ماشى على رجله نفسه يكون عنده عربية صغيرة
والى عنده الصغيرة نفسه فى السيدان
والى معاه السيدان نفسه فى الفور باى فور ويركب حاجة عالية على الطريق ويشوفه كله
والى معاه الفور نفسه يريح على بى ام كدا او مرسيدس
طيب انا اعرف واحد لسه متعين مدير تسويق ومن سنى كدا وصاحبى .. معندوش عربية ..واوال ما جاب اشترى سيراتو والله فرحته جدا بس الى زعلنى حاجة واحدة
جابها كلها قسط يعنى هيدفع الـ 120 الف بتوع العربية 230 الف تقريبا مش فاكر على خمس سنين
ايه ده ؟ كل ده علشان المنظرة ووالتباهى ؟ انا اعرف ان الى عاوز يتباهى يتباهى بالعربية الكاش ويكون معاه اد تمنها 4-5 مرات علشان متجبلوش ضغط نفسى فى حياته
بس انا كلامى غلط طبعا
الناس بتحب التقسيط
بس فيه ناس تانية مبتحبش تحط دماغها على المخدة وعليها قرش لحد ودول زى كدا متخلفين عقليا ً
يسيدى لو العربية هترجعلك شبابك اركب الشبابى
والهاتش باك ( حالة ) لو مظبوطة تريحك ولو تعبانة تقرفك - انما هيا عربية مش تقليدية ومش عادية واى تظبيط بيبان فيها وفيها لذة خاصة عن العربيات الكبيرة