المشاركة الأصلية كتبت بواسطة spear7
170 على طريق مصر اسكندرية الزراعي يوم 15 /7 كان الطريق ليلتها عليه بلطجية و مقطوع و كننا طايرين بيها و على فكرة لسة ملينتش قوي و مدخلتش صيانة و الجنوط الاصلية بتاعتها هي هي حتى الكاوتش الكومو المعفن و مع ذلك العربية قمة في الثبات و الدركسيون مبيتهزش نهائي استهلاك بنزين عادي جدا بتفكرني بال 128 ... و مرة تانية على طريق العين السخنة واحد كان شايف نفسه بباسات حجزني وراه بتاع 10 دقايق و عمل فيها تِعبان و رايح جاي و قمت طالع منه و فاتح لقيته بيشد معايا وحياتكم تسقيطة غيار واحدة كره اليوم اللي اشترى فيه عربيته ... مرضتش اسقط غيار تاني عشان الطريق كان ضلمة و انا مش بحب الجري عمياني كدة و حصلني طبعا بعد فترة لقيته بيقولي عربيتك معفنة و جايبة آخرها بس الالماني برضوا له اصوله ههههههههههههههه المشكلة عربيته صوتها عامل زي مايكون عربية الزبالة اللي بتيجي في الشارع من الحرق عليها و انا العربية ماشية على 2500 دورة و مريح هههههههههه قلت له كوري يا باشا و على الرابع استنى بقى و سقطت الخامس و ماشافنيش تاني ههههههههههههه بيتهيئ لي كنت جايب 180 ~ 190 ... و كانت ساعتها العربية عاملة 400 كيلو يا جماعة ... و ملينها على الواقف ... يعني لسة لا عفشة و لا ميكانيكا لينت يدوب الموتور بس ههههههههه بس احلى حاجة في العربية صوتها مزيكا تحس انك راكب عربية سبور ب 80 الف جنيه ... بس سؤال يا جدعان اللي نفسي اعرفه !!! ليه معظم العربيات الاكسنت اللي في مصر واخدة خبطة من الجنب اليمين ؟؟ على الرغم اني واخد الخبطة و انا خارج من الآجنس هههه  |
بص يارايق اغلبيت الخبط يمين قدام لان الناس مش مقدارها مسافات العربية دي من الامام كويس بس وبتحصل في عربيات كتيرة بس هي علشان بمنبوطة فالي سايق بيتخدع شوية في تقدير فرق المسافات
بس انت قرصت عليها اوي وهي لسه بتلين زعلتني منك