جزاكم الله خيرا على الرد يا جماعة ..
انا اتلخبطت فى البداية وقولت شاسيه , لكن فى الحقيقة الشاسيه سليم , بالنسبة لل75000 انا كنت حاسة انهم كتير مع احترامى طبعا للاخ ابو صالح .. العربية دهان فابريكة , ومافيهاش خبطات , بس مستكترة عليها 75000 فى سنتين استعمال , وكمان استعمال بنت سواقتها شديدة , يعنى ممكن تكون بوظت حاجة تانية فى العربية بسبب سواقتها .. انا قولت استخير ربنا واستشيركم عشان اكون واقفة على قدم راسخة فى قبولى أو رفضى ..
فعلا ما خاب من استخار وما ندم من استشار ..
اللى مش حباه فى الماروتى ان موتورها 800 سى سى وانها خفيفة , فضلا عن انى ماحبش ازنق نفسى فى موتور ضعيف , قد احتاج للسرعة فى وقت ما , وهنا نيجى لخفة العربية , وانا عارفة انها بتجرى حلو لكن خوفى الاخر من خفيتها زى ما قلت وانها تتخبط خبطة جامدة او تتقلب بسهولة لا قدر الله , عشان كده احب العربية الراسية شوية على الارض ..
انا استشرتكم ولم تخيبوا ظنى فيكم (جزاكم الله خيرا) , واستخرت ربنا , وبقدر الله الموضوع وقف ولم اشتريها , وبعد كده صرفت نظر عنها الى البيكانتو او الريو , طبعا قسط , لكن لسة ماعرفش حاجة عن الريو ..
ادعولى بقى اقدر اجيب البيكانتو او الريو , لان الواحد خلاص اتخنق من بهدلة المواصلات وجبت اخرى منها ..
عمرى ما فكرت فى التقسيط ابدا وعمرى ما كنت ارضى به وده السبب اللى خلانى ابص للمستعمل , لكن يبدو ان ده السبيل الوحيد , اهو على الاقل هاتبقى زيرو وماتقرفنيش فى تصليحها من البداية ..
عموما ألف ألف ألف شكر لكم جميعا وجزاكم الله خيرا , ودعواتكم ..
والسلام عليكم ورحمة الله وبركاته
