[تامر ديزل]

المشاركة الأصلية كتبت بواسطة BmW MeRo معلش انا صحيح من محب السيارات الرياضية والفخمة لكن برضة بحب النقل التقيل للهيبة الواضحة لية على الطريق السؤال اية الفرق مابين الجرارات والتريلات الى بكبوت زى المرسيدس وسكانيا والماجروس والى كبينة زى الاكروتكس هل بتفرق فى الحمولات ولا ولية اختفت الى بكبوتاية رايك فى الانواع الاخرى غير المرسيدس زى الرينو والافيكو والسكانيا والفولفو ومان مع تحديدكل نوع من دول بمميزاتة وعيوبة واخيرا اية رايك فى عربيات الماك الامريكانى الى نزلة المطاحنوتريلات الصينى بكل انواعها واخيرا عايزك تتكلم على الاتوبيسات شوية وخصوصا لانى هجيلى شللمن يوم مانزلت مصر كنت بركب فى نقل العام فى السعودية افخر انواع المرسيدس والفولفو ودلوقتى بركب داااااااااااااااااااااايو والمرسيدس تقفيل المصرى وانواع تعبانة جدا جدا ماتنفعش فى الهارد ووركر وخلتنى احرم اروح مطروح بسببها

يا صديق BmWMeRo
الفرق بين العربيات النقل اللي بكبوت واللي من غير كبوت قلته في الكلام عن العربيات الفريتلاينر بس هقول من تاني علشان خاطرك ياصديق
العربيات النقل كانت ف الاول كلها بكبوت او زي ما بنسميها بوز وبعدين علشان يقصروا طولها شويه وتقدر العربيه تاخد ملفات اضيق نسبيا راحوا قاطشين البوز او معدلين التصميم وبقت العربيات بكباين من غير بوز او قطش ........طيب والحاجات اللي كانت محطوطه في الكبوت القدماني راحت فين بعد ما قطشوه
الحاجات دي كانت هيا الموتور ومشتملاته زي الرادياتير والانتركولر وكمان كان فيه علبة الدركسيون كل ده اتنقل بقى تحت الكابينه .... انما من حيث الحمولات مفيش فرق او بمعنى اصح شكل الكابينه مالهوش علاقه بالحموله ... اللي بيحدد الحموله قوة الموتور والعزم اللي طالع من الفتيس انما اللي بيحدد الحموله اللي بتبقى مسموح بيها في الرخصه بتاعت العربيه حاجه تانيه خالص
بص يا سيدي بتعد عدد الاكسات الموجوده في العربيه والمقطوره وبتحط لكل اكس حمولته هديك مثال

العربيه دي فيها اكسين في الراس وتلاته في المقطوره الاكس الاولاني اللي هوا الدركسيون مسموح عليه 7 طن والي وراه 10 طن وكل اكس من المقطوره 13 طن يبقى العربيه دي مسموح لها تشيل 56 طن اجمالي تقوم تطرح منهم وزن العربيه بالمقطوره فاضيه يطلع مثلا 16 طن يبقى العربيه دي بيترخص لها تشيل لحد 40 طن حموله صافيه واللي يزيد عن كده بيتدفع عليه غرامات ميزان زياده
بقيت السؤال عن انواع العربيات النقل انا قدمت لمحه كده بسرعه عن 4 عربيات هما الاكتروس و المرسيدس العاده والفوتون الصيني والفريتلاينر وان شاء الله نكمل مع بعض لحد مانغطي غالبية الانواع
اما العربيات بتاعت المطاحن الجديده ف هياعربيات امريكاني زي الفريتلاينر وانا اعرف واحد شغال فيهم ان شاء الله مش هسيبه الا لما اجيب لكم معلومات عنها