[تامر ديزل]

المشاركة الأصلية كتبت بواسطة mazagngi2010 ايه سر تفوق الاكتروس على الفولفو والسكانيا والرينو حاسس ان اعدادهم قلت جدا عن زمان والمرسيدس فى تزايد مستمر فى مصر وايه رايك فى النقل الصينى اللى شبه المرسيدس القديم والصينى اللى شكله حلو وعصرى شويه ومتابعين معاك يابطل

سلامو عليكم
سبب تفوق المرسيدس الاكتروس على باقي الماركات في السوق المصري هوا انتشار قطع الغيار بشكل كبير وارتفاع سعر اعادة البيع وقبل ده كله التكنولوجيا المستخدمه وجودة الخامات بتخلي اعطال العربيه قليله وبتخلي سمعتها كويسه ومسببه الانتشار الواسع ده
بالنسبه للعربيات النقل الصيني انا اشتغلت ف ماركه واحده اسمها فوتون وهيا عربيات معقوله مقارنة بسعرها وسعرقطع غيارها لكن طبعا عربيات بتكنولوجيا قديمه او نقدر نقول عربيه عاده في كل شيء من الموتور للفتيس للكابينه
العربيات الصيني اللي عليهاعلامه شبه المرسيدس دي ماركه اسمها North Benz ودي عاده برضه بس فيها تكنولوجيا منقوله من المرسيدس القديم 3331 حتى الكابينه نفس مقاس الكابينه المرسيدس القديمه ونفس التصميم
وعموما العربيات الصيني النقل بتنتشر شويه بشويه في مصر علشان سعرها القليل لكن مشكلتها هيا في سعر اعادة البيع كمان العربيات النقل الصيني بيبان عليها الكبر او البهدله بسرعه يعني اللي يشوفها يديلها اكبر من سنها بكتيير ودي برضه بتفرق لما تيجي تبيع