رد: أنا كرهت جاك بسبب توكيلها ,, اللي عنده شكوى منهم يا ريت يكتبها هنا
اتمنى إللى يتكلم عن عربية يكون عن تجربة واقعية يعنى الجاك متفوقة فى الجودة و المتانة عن الموديلات المذكورة
نحن ملاك الجاك معترفين إن فى تقصير من الوكيل لكن فى توكيلات كبيرة فى مصر مبتعملش دعاية خالص لعربيتها الا كل فين و فين
العربية ممتازة عن تجربة وصلت الى 68الف كيلو فى خلال سنة و 5 شهور
طبعا مرحبا باى من الاعضاء فى التعليق كما يشاء بس ياريت يكون جرب العربية علشان نكون موضعيين فى كلامنا
العربية بتنتشر فى الوقت الحالى بشكل معقول بقيت بشوفها فى أماكن و محافظات مختلفة عن الفترة الاولى لنشرها .
تقصير الوكيل فى توفير بعض قطع الغيار مشكلة بس مش بالحجم اللى يخلى العربية توقع ! يعنى فى عربيات بتتصنع فى مصر و فى دول تانية متلاقيش قطع الغيار بتعاتها عند الموزع او الوكيل و شوف تجارب الاسبرانزا و الشفرولية و الاوبل (عن تجربة ) دى حكاية حاجات كتير لازم يبتعت يجبها من المانيا فى وقت الحاجة .
و بعدين موضوع السعر الوكيل سياستة من الاول مش صح العربية تستحق 80 جنية على جودتها و كماليتها
شوف الانجلون ابو غالى نزلها ب 72 الف ثم 74الف النهاردة 79900 يعنى 80 الف يعنى قريبة من الجاك
للعلم اليوان الصينى قيمتة زادت امام الدولار منذ بداية هذا العام و طبيعى دة بأثر بشكل كبير على سعر التصدير للعالم الخارجى
و تحياتى للجميع
|