[aymanlaw]

المشاركة الأصلية كتبت بواسطة تامر ديزل هانتقدم ازاي طول ما بناكل برنجان ولما بطنك توجعك تروح للدكتور تلاقيه لسه ما أجاش ( بالالف) تنزل من عنده تروح تشوف دوا ف الارزخانه تروح عايز تركن العربيه بسرعه عشان تعبان تلاقيها ما بتاخدش المارشليه تسيبها وتطلع تسرج النور تلاقيه مقطوع وتقعد ف الضلمه تقوم تتجعز

انت كده دخلت على خط دمياط وبورسعيد والمنزلة والمطرية (غير المطرية الى فى القاهرة)
وعموماً ده اسمه فى علم اللغة الديالوج,وهوموجود حتى فى اوربا واعتقد فى كل العالم يعنى على سبيل المثال لماتروح انجلترا وتقول مثلاً لواحد قف يبقى هتقول (جيت اب) مثلاً ولكن لما ذهب للولايات المتحدة الأمريكية وربنا ميغلبلك ولية منهم,هتقول (جراأب)وهكذا.
ونيجى مثلاً لأيطاليا تجد الديالوج بيختلف من محافظة الى أخرى,يعنى مثلاً كنت بشبه كلام اهل ميلانو زى كلام احببنا اهل المنيا فى مصر,يعنى بيطولو شوية فى الكلمة ,ونيجى مثلاً لأهل محافظة شهيرة ودى الى العبد لله كان عايش فيها اسمها برجاموا ,هذه المحافظة لأنها فى شمال ايطاليا وتكاد تكون قريبة من سويسرا لأن قبلها على طول محافظة حدودية مع سويسرا اسمها الكومو,تجد ان اهل هذه البلاد كلامهم فيه كثير من الألمانية يعنى مثلاً كلمة (كوزيه ,يعنى معناها بلعربى (ايه)تنطق فى برجامو كوهيه)وهكذا ايضاً,وطبعاً انا معاكوا انه لابد ان يفهم الأجيال الجديدة ان للكلمة اصول ,يعنى مينفعش نبقى معتقدين ان اسم البزنجان هو برنجان ,وبما ان بزنجان شوية بردوا وقعها على الأذن مش حلو يبقى نحاول نصلح ببتنجان,لأن لفظ برنجان بتترك عندى انطباع ان الى بيقولها مجنون مع الأعتزار للجميع وعلى فكرة انا بورسعيدى يعنى عايش مع هذه اللغة وان كنت بعانى منها وكثير من اهل البلد اللذين اتعامل معهم بيفكروا اننى مش ابن البلد مع انى مولود فيها وانا الأن داخل على الخمسين سنه ,ايه ده يهناهر اسود خمسين سنة تصدقوا انى مكنتش واخد بالى لالالالالالالالالالا انا عندى 48 سنة وربط على كده ,تحياتى لصاحب الموضوع ولكل من ساهم برأيه(وعاشت مصر بشعبها)