السلام عليكم
انا معايا لوجان موديل 2012 جايبها من حوالي 3 شهورعامل بيها حتي الان 5100 كيلو بس لسه ماروحتش اعمل الصيانة
انا من حوال اسبوعين بدات اسمع صوت غريب من الكبوت بعد ما ابطل العربية خالص بسمع صوت زي مايكون فية سوستة بتخبط في معدن تعمل (تن) وبيتكرر موضوع ال (تن) ده حوالي ست سبع مرات علي مدار دقيقتين
المهم روحت لتوكيل سموحة علشان اقلهم الموضوع ده لقيت المهندس اول موصفتلة الموضوع قاللي ان الموضوع ده بيتكرر في اغلب عربيات اللوجان وقلي ده العربية بتبقي سخنة وبتبرد في فيه معدن بيخبط بسسب الانكماش (المهم كلام هلامي كده) وقالي ان الموضوع دم ممكن يكون من السربنتينة بتاعت التكيف لما بترد وتنكمش بيحصلها كده
المهم العربية دخلت ورفعوها لاني قلتلهم يبصوا علي العفشة والمساعديين لو فيهم مشاكل او لو العفشة عاوزه تتربط
المهم بعديها بنص ساعة قابلت المهندس و قاللي ان العربية مافيهاش اي مشكلة والعافشة والمساعديين كويسيين وموضوع الصوت ده حاجة طبيعية وانه غالبا من علبة البيئه بتنكمش برده(معرفش ليه غير اقوالة المره دي علي اني مضغطش عليه)
معرفش ايه العربية اللي كل شويه قاعده تنكمش
المهم سالت واحد قريبي معاه لوجان 2012 وقالي ان الموضوع ده ما بيحصلشي معاه
فانا كنت عاوز رايكم هل الموضوع ده فعلا منتشر ولا لا وايه ممكن يكون السبب فيه
انا ان شاء الرحمن ناوي اروح الصيانه لسه كمان اسبوع ومش عارف اروح العامرية ولا سموحه
المهم حاولو تدلوني وياريت كل واحد معاه اللوجان بعد مايمشي بيها مشوار ويبطل العربية يقف دقيقتين جنب الكبوت ويشوف هيسمع موضوع (التن)ده ولا لا
وشكرا ليكم جميعا
د/ محمود