[essamenen]

المشاركة الأصلية كتبت بواسطة ابو يمني مع احترامي الشديد لحضرتك بس اللي انت عملتة دة اكبر خطاء اولا لو عايز تنظيف مياة الردياتيرمن الصداء هتروح لاي مركز خدمة كبير هتلاقي عندهم ماكينة كدة شبة الغسالة الاوتماتيك بس شفافة بيسحبوا فيها مياة الريداتير ويضعوا عليها اضافة كيميائية تعالج اثار الصداء في الماكينة وتقلل حدوثة في المستقبل وطبعا مش بيحطوا خل خالص ودي اسمها تنظيف دورة المياة في السيارة ثانيا لو عايز تنظيف الريداتير نفسة هتروح للراجل بتاع الريداتير يفكة ويسلكة من الشوائب وبعد ما يسلكة بيغسلة كويس خارج السيارة قبل تركيبة عشان ما ينزلش الصداء قي الماكينة ثالثا انا لا انصح نهائيا بموضوع لحام اليداتير لان معني انة اتخرم يعني عمرة الافتراضي انتهي فيجب تغييرة حتي لا يؤثر علي درجة حرارة الماكينة وبالتالي يؤثر علي الاداء

اخى العزيز حظرتك قلت
(اولا لو عايز تنظيف مياة الردياتيرمن الصداء هتروح لاي مركز خدمة كبير هتلاقي عندهم ماكينة كدة شبة الغسالة الاوتماتيك بس شفافة بيسحبوا فيها مياة الريداتير ويضعوا عليها اضافة كيميائية تعالج اثار الصداء في الماكينة وتقلل حدوثة في المستقبل وطبعا مش بيحطوا خل خالص ودي اسمها تنظيف دورة المياة في السيارة )
ديه طريقه من طرق تنظيف دائره التبريد وديه طريقه تجاريه ويستعملو مواد كيميائبه انا لا اعرف تركيبتها ولكن ما الضررلو انا عملت الموضوع ده بنفسى سواء بالخل او بالماء ارجو توضيح الاضرار من الناحيه العلميه

(ثانيا لو عايز تنظيف الريداتير نفسة هتروح للراجل بتاع الريداتير يفكة ويسلكة من الشوائب وبعد ما يسلكة بيغسلة كويس خارج السيارة قبل تركيبة عشان ما ينزلش الصداء قي الماكينة )
الراجل بتاع اليداتيرات بينظف اليداتير بعد فك اغطيته الجانبيه او الى فوق و اسفل ويتم تسليكه يدويا بميه النار و معروف للجميع اضرارلماء النار( حمض الكبريتيك ) فى المعادن فاستعمال الخل افل ظررا بكثير على اليداتر من ماء النار

(ثالثا انا لا انصح نهائيا بموضوع لحام اليداتير لان معني انة اتخرم يعني عمرة الافتراضي انتهي فيجب تغييرة حتي لا يؤثر علي درجة حرارة الماكينة وبالتالي يؤثر علي الاداء )
انا مع حضرتك فى لحام اليداتير بشرط ان يكون متهالك ومتاكل فالحام لن ينفع فيه ابدا لانه سوف سوف يسرب الماء بعد قليل فحرام فيه اللحام ولكن لو اتخرم بفعل حادثه فمن الممكن نلحمه ويعمل بكفائه
تقبل تحياتى