آخر طلب من الأخوة الفلول
بداية فقط لفظ فلول مش شتيمة و لا حتي توصيف دقيق
ده مجرد مصطلح شعبي بنستخدمه لكل من يعادي الثورة
كل اللي شايف إنها نكسة و كنا عايشين بنأكل و نشرب و نخش الحمام
و جت وجعت دماغنا و صدعتنا
وقفتم ضد أخوانكم الذين لم يطلبوا أي مطلب شخصي لأنفسهم في كل موقف
بعتوهم و هما بيتقتلوا في الميدان عشان زهقتم و عايزين تنزلوا الشغل و تأكلوا بيتزا
في حين الشعب اليمني و السوري بادئين معانا و مزهقوش و كل يوم بيثوروا و كل يوم بيتقتلوا
و ما وصلوش لحاجة حتي الآن ، و مع ذلك مش خايفين علي عجلة الإنتاج
حاسب يعني الأقمار الصناعية اللي كنا بنبعتها الفضاء و أحدث موبايل اللي تأخر إصداره من بني سويف
أنسي كل اللي المقدمة دي ،،، و المسامح كريم
دلوقتي إن شاء الله دلوقتي مصر داخلة علي أول انتخابات برلمان و رئاسة المفروض إنها نزيهة من 60 سنة
و ده بفضل الله أولا و بدماء الشهداء الطاهرة و إصرار الشعب المصري العظيم
حقكم و جالكم ،،
أرجوكم لا تهدروه ، أرجوكم لا تجعلوا مصر أضحوكة العالم
أرجوكم لا تنتخبوا من ثورنا عليه
أرجوكم أن تستخدموا عقولكم عند الإختيار
أرجوكم متصوتوش عشان ابن عمك أو عشان هيخدمك في وظيفة أو تصريح
مقدمة و يتبع ،،،
العبارة باللون الأحمر هيا خلاصة الموضوع
|