المشاركة الأصلية كتبت بواسطة تامر ديزل
بصراحه تعليقك وكلامك كله جميل ولذيذ ورغم اختلافي معاك في الراي الا اني احترمت رايك جدا واحيي حضرتك على اسلوبك الرشيق وهدوء افكارك
ولو سمحتلي نقطتين هتكلم فيهم باختصار مش معنى ان البلد ف حاله مرزيه ان بقول سيبها تبوظ وبلاش اصلاح ولكن بقول لازم ننسف القديم ونبدا من جديد زي محمد على باني نهضة مصرالحديثه انما اللي انا لامسه من الدكتورالبرادعي وغيره انهم عايزين منصب وخلاص وده رايي لوحدي مفيش مشكله وماحدش فيهم بيطرح حل جذري انما كلها حلول بالكلام ووعود مش هيقدروا يحققوها يااما ميعرفوش البلد كويس او مش مجهزين خططهم هيعملوا ايه مع قوى الظلام
النقطه التانيه بس ارجوا ان الكل ياخدها بسعة صدر لو كان العنوان حمرا يا طنطاوي كنتو هتزعلوا وتقولوا لأ كده نقد غير بناء ؟ مش هاقول رد جاهز واستباقي .... كل واحد يرد مع نفسه
القصد ان البعض بيزعل لو قلنا كلمه زي دي على البرادعي او غيره من اللي ف نفس تياره ومحدش شفناه زعل على كميه الشتيمه اللي ماليه النت للجيش (مش المجلس العسكري) والشتيمه البذيئه للناس اللي عاوزه استقرار وعاوزه تشوف شغلها وتاكل عيش يقولوا مثلا دي ناس منبطحه وناس خانعه ودول الكلمتين اللي ممكن ننقلهم من سيل الشتيمه
طيب منبطح احسن ولا حمرا ..... ؟ حمرا طبعا يبقى ليه الزعل بس ؟
|
يا باشا ربنا ما يجيب زعل ....
انا اكتر حاجه مضايقاني اليومين دول الكلام عن الجيش ....
الشعب المصري طول عمره بيحب الجيش وللاسف هو اتحط في مكان مش بتاعه و رضخ للمسئوليه من واقع وطنيته
مننساش ان الجيش هو المؤسسه المصريه الشرعيه الوحيده دلوقتي ... و الكلمه دي نحط تحتها 1000 خط ....
لكن طبعا اللي حصل في الفتره اللي فاتت و خصوصا احداث ماسبيرو كانت صدمه للجميع .. وافضل متكلمش فيها ... على الاقل الايام دي لحد ما تعدي ..
بس انا لسه متفائل
بالنسبه للنقطه الاولى ... حندي مثل بلغه الكوره ....
لو الدنيا بايظه خالص و المنتخب بقى كله عواجيز و كسر و الشباب معندوش خبره ... اقول خلاص بايظه بايظه و اجيب عامل غرف الملابس يمسك المنتخب لحد ما الدنيا تتظبط و لا ادور على احسن واحد يقدر يظبط لي المنتخب .... يعني لو جبنا مدرب برشلونه يمكن مناخدش كاس العالم ... بس على الاقل حنلعب كويس و ننافس و نكسب شويه بطولات .... مثلا مثلا يعني
والله اعلم