المشاركة الأصلية كتبت بواسطة تامر ديزل
تخيلوا لو الدكتور البرادعي بقى رئيس وزرا بدل عصام شرف وعمل اجتماع لمجلس الوزرا الموجود دلوقتي او حتى لو غيرهم وجاب ناس تكنوقراط يعني موظفين من الوزارات الموجوده وصعدهم وبقوا وزرا
نتخيل اول اجتماع هات ياابني ورقه علشان احطلكم خطه اقتصاديه ..... مافيش ورق
طيب خلاص هقولوكم كلمتين عالماشي ...... بتقول سايبنا وماشي ؟ اتفضل
طيب بالنسبه للصحه ... بمب والحمدلله
طيب خطتي فالتعليم بتتركز على .......... ماتتعبش نفسك تبات تعلم ف المتبلم يصبح ناسي
ياجماعه ماهو لازم نعمل حاجه للبلد... ما تعمل هوا حد حايشك ؟
طيب هاتوا شوية ميه اشرب ريقي نشف .... الميه قاطعه
اقصداقول ان لو جه دافيد كوبر فيلد شخصيا بكل الاعيبه السحريه علشان يصلح البلد مش هايقدر يعمل حاجه مع طقم المسئولين الموجودين ف الجهازالحكومي دلوقتي اللي لازم يتغيروا من اصغر موظف لاكبر موظف لانهم هيعقدوا اي واحد عاوز يصلح ف عيشته
على فكره محمد على عمل كده زمان لما المماليك كانوا هيعقدوه ف عيشته اول ما مسك الحكم راح قافل عليهم القلعه وخلص عليهم بس يا ترى القلعه دلوقتي تستحمل العدد ده كله
طيب السؤال التاني الدكتورالبرادعي يقدر يعمل كده ؟
خلاص ما دام ما يقدرش ......... تبقى حمرا
|
عندك حق ....
فعلا وجهه نظر في محلها ..... يعني بالبلدي كده اش تعمل الماشطه في الوش العكر ....
صحيح نجيب ليه واحد عنده خبره وشغل مناصب دوليه حساسه اثبت فيها كفاءه و نجاح لدرجه انه تم انتخابه مدير لوكاله الطاقه الذريه باغلبيه ( 33 صوت من 34 ) و تم اعاده انتخابه مرتين متتالييتين وقبلها كان المستشار القانوني للوكاله ... ده غير عمله بالامم المتحده و موقفه الواضح من مؤامره امريكا ضد العراق
والكلام ده كله موثق ... يعني مفيش حد جاب حاجه عنه تثبت انه ماسوني علماني مجوز بنته لنصراني متأمر عميل ... لكن احنا اجدع بلد في الخرافات
و كل تحليلاته اللي قالها في مصر سواء قبل او بعد الثوره طلعت في محلها
يبقى الرجل ده بيفهم فعلا و عنده بعد نظر و خبره دوليه ....
لكن الكلام ده ينفع بره عندهم هناك مش هنا ....
مصر مش بتاعت خبرات وشهادات و الكلام ده .... مصر عايزه واحد .... بيشرب بيريل
واحد اتربى في مصر و اشتغل فيها و تشبع بالنظام المصري العظيم واختلط بالشعب المصري وشرب من نيلها و اكل من مسرطناتها و شم زبالتها المحروقه ... فعملت له دماغ متكلفه قش رز و كبد متليف و رئه مسدوده وكلى عطلانه فيحس بالناس ويعمل من اجلهم ... و يتكلم بلسانهم ويبص بعينيهم و يفكر زيهم
وبالتالي حمرا يا برادعي ....
:w6w200504112252216 1
مش كده برضو
انا عارف ان في ناس كتيره معترضه على البرادعي ... لكن بحس ان الغالبيه مش مستريحه للشخصيه
والبعض معلوماته مغلوطه او متشبع بحملات التشويه
طبعا مفيش مجال اننا نتكلم عن ارائه و افكاره اللي المفروض ان اللي موافق عليه او معترض عليه بنا رأيه على اساسها ....
لكن بخصوص الموضوع وانه عايز يرشق في اي منصب .... كان الاسهل له يركب الموجه و يجتمع من كام يوم مع المرشحين المحتملين للرئاسه و يطلع يقول كلمتين من اللي بيعجبوا الناس ... لكن الرجل وضح موقفه في منتهى البساطه ... انه معترض على انتخاب الرئيس مع او قبل الدستور ....
فلو كان عبده مشتاق فعلا كان مصدق يضم صوته للعوا والصباحي وحازم ابو اسماعيل و عمرو موسى ... خصوصا انهم يعتبروا اقوى المرشحين حاليا ... ويطالب بسرعه انتخابات الرئيس
طبعا كل واحد حر في رأيه ... و .. القلب و ما يريد
لكن انا بحاول اكون رأي موضوعي عن كل المرشحين من خلال اطروحاتهم ومناظراتهم
ويمكن من قناعتي الحاليه بالبرادعي .... واختياري للون الاخضر لكن وارد جدا ساعه الانتخابات اختار مرشح تاني .... خصوصا اني مش متوقع له حصد نسبه كافيه من الاصوات ... بالعكس ... العوام او البسطاء من الناس لن تختار اسم البرادعي بسبب انخفاض شعبيته و فقدان الكاريزما ( اللي هي اخر حاجه المفروض نختار على اساسها لكن الكلام ده هناك مش هنا )
والصفوه أو الفئات المثقفه او الاكاديميين اصواتها متفرقه بين المرشحين بدون وجود اسم مسيطر
بس للاسف لحد النهارده مسمعتش او شوفت عن البرادعي نقض موضوعي او منطقي
غالبا بقابل اعتراضات من نوعيه .... "حمرا يا برادعي "