المشاركة الأصلية كتبت بواسطة beso ahmed
يا جماعة انا ان شاء الله هعمل الرخصة الاسبوع اللى جاى دة
(عشان زهقت من شغا التسويغ دة و السواقة من غير رخصة  )
المهم للاسف هعملة فى مرور فيصل (وللى مايعرفوش دا اسوء وحدة مرور فى مصر  )
انا روحت النهاردة جبت الورق المطلوب من المرور و الورق المعايا دلوقتى هو
1) شهادة باطنة
2)شهادة نظر
3)شهادة قيد من الكلية
4)نموذج 56 جند
5)صورة البطاقة
6) عدد 6 صور شخصية
7)نموذج الختبار الشفوى
8) كام استمارة كدة مش عارف بتوع اية بس جم مع فيل قالولى حاتة 
و انا ان شاء الله هختبر بعربية بابا بس سمعت ان مافيش اختبارات بعربيات اتوماتك (و العربية اتوماتك و لو اختبرت بعربية المرور هسقط عشان بقالى بتاع 4 سنين مش بسوق مانيول  )
عندى بقة 3 اسئلة معلش
1) الورق كدة تمام؟؟؟
2)هو فعلا مافيش اختبرات غير بعربية مانيوال؟؟؟
3)الاختبار بالعربية الخاصة بيبقا امتى؟؟؟
معلش طولت عليكم |
1- الورق كدة معاك تمام يا هندسة بس على فكرة انا مطلبوش مني شهادة قيد بتاعة الكلية دي انا ف تانية هندسة اتصالات على فكرة ....
2- الاختبار بمانيوال و اوتوماتيك عادي انا روحت اختبارات مع 3 قرايبي بنفس العربية اوتوماتيك و محدش سالنا اصلا ..
3- الاختبار بعربيتك لما تروح بدري و تحط العربية ف طابور العربيات عشان تلحق الامتحان .....
و ربنا يوفقك و تطلعها انشاء الله