المشاركة الأصلية كتبت بواسطة ayman abdelrazek
حضرتك عارف ان سعرها 130000 جنيه الفول اوبشن
اقسم لك بالله انت لو معاك فلوسها عمرك ما هتجيبها ابد
ده سعرها قرب منا الاوكتافيا والسيفيك والميتسوبيشى شارك والمازدا 3
ازاى ادفع المبلغ ده فى العربيه دى
لازم يبقى فيه تناسب بين السعر والسلعه
والعربيه دى انا ركبتها مع واحد صاحبى والله اول ما شغلنا التكييف ماتت على الطريق
صدقنى لو راجعت نفسك مش هتشتريها
|
أنا سائل على العربية في التوكيل هنا في طنطا قالي 120 ألف كاملة وفتحة سقف
يعني متهيألي لو جابها من القاهرة حتبقى أرخص كمان
وبعدين انت بتحلف ليه يا أستاذ أيمن على حاجة مش عارفها?!
طب والله كمان مره وما ليك عليا حلفان
أنا كنت حشتري المانيوال ب 103 ألف لما كنت بفكر في التقسيط
وماكنش حيفرق معايا أزود 17 ألف لو أوتوماتيك فول أوبشن بال abs , 2 airbags , s_r
أعتقد ان كل واحد بيقول رأيه والراجل بيسأل لو مكاني حتعملوا ايه وأنا بقوله
وبعدين هو حدد طلباته في عربية سبور وقال ان ال أي 30 داخل اهتماماته
المفروض يعني اننا نفرض وجهة نظرنا عليه وخلاص....مش فاهم!!!
وبعدين فحوى كلامك كده اني أنا باضلل الراجل ومش همي على مصلحته
والا يعني أيه الجملة دي
(أقسملك بالله انت لو معاك الفلوس مش حتجيب العربية)
خلاص يا أستاذ أيمن نسيب كلنا المنتدى وما نقولش رأينا ونقعد نسمع رأيك ما دام احنا منافقين ومعندناش ضمير بالشكل ده!!!