المشاركة الأصلية كتبت بواسطة hazem_khidr
اهلا بيك اخي الحبيب في مصر موتورز و نتمني نشوف مشاركاتك.
بالنسبه لسؤالك
فاللاسف العربيات اللي انت مختارها كلها لا تصنف تحت فئه السيارات الرياضيه.
انا من رأيي لو عاوز عربيه سبور فعلا بالتمن دا يبقي هيونداي كوبيه.
او بص علي الجراند بونتو تي جيت كوبيه برضه 120 حصان.
دول اللي ممكن يتصنفوا كسيارات رياضيه.
لو بتختار بين السيارات اللي فوق
فافضل سياره برأيي الكيا سيراتو
و ما تخافش كل العربيات الجديده ورق لكن بتتمتع بمرونه عاليه
و لو اي استفسار اتفضل
|
شكرا ليك يا حازم وانا فعلا كنت بفكر فى الجراند بونتو بس الى كنت عرفتو انها 77 حصان..
مش عارف انا معلوماتى بالنسبه للسيارات ضعيفه جدا لسه بحاول استفاد من خبرتكم طبعا.
طيب هتعبك شويه.. لو ممكن اعرف سعر الحراند بونتو تى جيت الكوبيه ديه ..بس اكيد اتوماتك.
ونبذه صغيره عن العربيه رئيك فيها يعنى. اعتقد البونتو صاجها اقوى من العربيات الى كنت بفكر فيها التانيه.
مستنى بقيت ردودكم.. ولو فى سياره افضل بنفس الرينج بتاع السعر ده انا مش ثابت عليهم يعنى احب اسمع ارائكم وعاوزكم تقلولى اشترى كذا عشان انشاء الله انا هنا عشان اخذ باقتراحتكم بجد.
سلام عليكم.