السلام عليكم ازيك يا دكتور تامر
أولاً أنا أول عربية إشترتها حضرتك رشحتهالي و كمان أرشدتني للسعر السليم ليها و الحمد لله كانت رائعة و كانت بيجو 206 من سنتين و بعدها من سنة أرشدتني للوجان استعمال موديل 2009 و كانت رائعة بس مشكلتها معايا اني مش حابب شكلها من اول ما نزلت و العربية كارهها برغم انها ركوبة ممتازة و أكثر من ذلك عملية جداً
لكن في الحقيقة وقعت من مدة في غرام سيتروين سي4 جابها واحد صاحبي و بقيت زي المجنون خصوصاً بالأوبشنز فيها
طبعاً عارف حوارات إنها مكلفة و الكلام ده لكن كان لدي أسئلة عن إعتمادية السيارة و كفاءتها و قوة تحملها علماً بأنه ما سمعته و أعرفه أنها ممتازة و على فكرة أنا بحترم رأيك بغض النظر عن الخبرة إلا أنه أنا بحترم اّراءك مثلاً عدم قناعتك بالهيونداي لأنه صاجه ورق (نفس رأيي رغم أنه الاكسنت من اول 2007 عربية ممتازة) و قناعتك بأفضلية الأوروبي لكن شرط أن تتحمل تكلفته
المهم هي مقدمة فقط لأشكرك و بدون مزيد من التفاصيل عاوز رأيك
سيتروين سي 4 موديل 2005/2006 ماشية في حدود 50 ألف كم طبعاً كلها تبترونيك و الأوبشنز كاملة و ده موحد و تكون فابريقة دواخل بالكامل و ممكن تكون رشة حاجات بسيطة بس رش محترم
السعر في حدود كام بالضبط و شكراً
بالمناسبة لمحبي اللوجان هي عربية ممتازة لكن المشكلة إني مش بسترخم شكلها بس هي ركوبة جميلة
