[تامر ديزل]

محمد عبدالعاطي عطيه شرف شاب مصري من منيا القمح شرقيه يوم 6 اكتوبر 73 كان فاضل له ايام ويكمل 23 سنه ... عمل ايه لمصر محمد عبدالعاطي شرف ؟ يوم 6 اكتوبر 73 وبعد الضربه الجويه الصاعقه وقبل ما اسرائيل تفهم ايه اللي بيحصل كان صاحبنا من اول الناس اللي بتتسلق الساتر الترابي مش طايق يستنى لما يتفتح له ثغره يعدي منها وبعد شويه اسرائيل عملت غارات جويه منخفضه على العساكر المصريين اللي عدوا خط بارليف علشان ترعبهم ويتراجعوا زي 67 ولكن مافيش فايده وكانت نتيجة طلعات اسرائيل الجويه هي وقوع 4 طيارات لاسرائيل بالاسلحه الخفيفه
ويوم 7 اكتوبر كان المصريين اكتسحوا الملعب ووصلوا لعمق 70 كم جوا سيناء
يوم 8 وهوا يوم محمد عبدالعاطي كان على عمق 80 كم داخل سيناء مع اللوا112 مشاه والكتيبه 35 مقذوفات .... كان محمد عبدالعاطي استاذ ورئيس قسم في استخدام الصاروخ فهد احدث مضاد للدبابات بيستخدمه الجيش المصري............ و فجأه لقوا قدامهم لواء اسرائيلي مدرع متحرك ناحيتهم في محاوله اسرائيليه مستميته للهجوم على الجيش المصري في قلب سيناء وهنا اشتغل المعلم محمد عبدالعاطي بالصاروخ الفهد وهاتك يا ضرب ف الدبابات لدرجه انه في نص ساعه كان مفرتك 13 دبابه
يوم 9 هاجمتهم قوه من 4 دبابات بس اصطادهم عبدالعاطي بقى ف حسابه 17 ويوم 10 اصطاد 3 ويوم 15 واحده ويوم 18 اصطاد اتنين بقوا 23 دبابه
تمنهم كام دول ؟ ومنع شر عن مصر اد ايه ؟ هي ده البطوله بحق وحقيق ....
عايز اقول حاجه اه ايتها البطوله كم من المهازل ترتكب باسمك وكم بطل من كلام واوهام يتصاغر ويتضاءل لما تيجي سيرة الابطال الحقيقين