السلام عليكم
كنت عايز أعرف يا جماعه ويا خبراء السيارات هوا معارض السيارات المعروفه بتبيع مستعمل كمان مش زيرو بس ؟ وهل العربيه المستعمله اللى اشتريها من معرض تكون مضمونه ولا ممكن يكون فيها عيوب ؟
و أستفسار صغير: كنت روحت شوفت عربيه الشهر اللى فات فى معرض سيارات " رينو ميجان 2006 " بغض النظر عن العربيه ومزاياها وعيوبها دلوقتى احنا كنا وافقنا عليها بس حتى الان لسه مشتريناهاش لاننا مستنين نبيع عربيتنا الحاليه ونزود ونجيبها
المشكله بقى انى خايف الميجان تتباع مره عديت عالمعرض ملقيتهاش محطوطه و الحاج و المهندس الميكانيكى الوسيط بينا فى البيعه دى قاللى انها موجوده
السؤال بقى لو العربيه مش موجوده فى المعرض هل ده دليل انها اتباعت ولا ممكن تكون محطوطه فى جراج ولا حاجه لاننا متكلمين عليها ؟
وهل العربيات المستعمله المعروضه فى المعرض ممكن تغيب في بيعها لدرجة انها تقعد شهر مثلا فى المعرض ؟ممكن حد يقولى طب ما تروح تسأل بس انا مش عايز اعرف الراجل انى ملهوف عليها فياريت حد يقولى لو العربيه مش معروضه فى المعرض هل ده يعنى ان العربيه اتباعت ؟ مع العلم ان الميجان سوقها واقف فى مصر ودى الحاجه الوحيده اللى مطمنانى