دى شغلانة كبيرة وروشة وعطلة كمان لما تقعد تغير فى نمر التليفون المحفوظة عندك وتقعد تبدل وتغير وانت حاطط الجدول قدامك علشان متنساش ......وعموماً وبما اننا كمصريين بننتظر لحد اخر لحظة زى معملنا زمان ايام تطبيق وضع حزام الامان اجبارى وكان فيه مهله مش عارف حوالى سنة ولا ايه وبعدين معظم الناس استنت قبل المهلة بكام يوم وكبست على محلات الاكسسوار علشان تشترى الحزام ..... برضه هتلقينا استنينا الاربعة شهور تخلص وبعدين نقعد نحارب الزمن علشان نحول الارقام قبل مانلاقى التليفون مش بيطلب من الذاكرة اى رقم .
انتظروا بعد اربع شهور وشوفى اللعنات على شركات المحمول هتنهال ازاى علشان قال ايه زنقونا وملحقناش نحول النمر فى المهلة القصـــــــــــــــيرة دى
