شوف يا أخي .. الحكاية دي حصلت معايا بعد ما فولت عربيتي بنزين 92 كالعادة .. من محطة بنزين مصر للبترول بروكسي .. و بعد ما خرجت من البنزينه بحوالي 2 كيلو فقط .. بدأت العربية تنتش و السحب يقل و تقطع .. و تكركر و حاجات غريبة كده .. و عشان مش كنت فاضي استحملت بيها كده يومين كمان و رجعت فولت تاني من بنزينتي المعتادة بالنعام .. برضه مافيش فايدة التقطيع كما هو .. رحت بعدها للميكانيكي .. و قبل ما أنزل م العربية .. كان عارف فيها أيه ؟ من مجرد سمعاه الكركرة .. الغير طبيعية .. كشف على البوجيهات و اكتشف انو الأخير فيهم مش بيشتغل مضبوط .. طبعا قولته على البنزين و الحدوته دي .. قال لي لأ .. و بالفعل غير البوجية .. و اصبحت العربية و لا كأن فيها حاجة زي الفل لا صوت و تنتيش و لا كركرة .. قلتله أمال دا حصل بعد خروجي من محطة البنزين ليه ؟؟ قالي ممكن تكون صدفه .. و الله أعلم .. عشان كده يا معلم .. اتعب و اكشف على البوجيهات يمكن تكون متلته و الا حاجة .. تحياتي