في سنة 2009 تم انتاج zonda R و إلي تعتبر اسرع اصدار من pagani zonda إلي نزلوا كلهم
العربية دي اخف بكتيير من الــzonda f والسبب أنهم صنعو الهيكل الداعم من مادة مركبة من الكربون و التيتانيوم و إلي تعتبر اخف و أمتن من الألمنيوم ,, و العربية مزودة بموتور AMG V12 بسعة 6.0 لتر و المكون من 12 سلندر بقوة 750 حصان
العربية وزنها بالظبط 1070 كيلوجرام و سرعتها القصوى 358 كيلومتر في الساعة !!
العربية من جوة فيها حاجة اسمها roll cage ودا بيحمي السائق في حال حدوث انقلاب للعربية (لا قدر الله )
و العربية بتنطلق من 0 لـ 120 كيلومتر في الساعة في 2.7 ثانية فقط!!!!
و مزودة بفرامل brembo سيراميك كربون عشان تخليها تقف وهيا بسرعة 190 كيلومتر في الساعة في 4.3 ثانية
العربية دي غير مسموح ليها بالسير في الطرق العادية لأن صوتها عالي جدااا و كمان مينفعش تخش أي فئة من عربيات السباق لأن لكل فئة قواعد و مواصفات خاصة و العربية دي غير مطابقة لأي شرط و لا تندرج تحت أي فئة فلذلك هي غير مرحب بها في عالم السباقات
بس العربية دي متوفرة للبيع لهواة تجميع السيارات بسعر يورو 1,460,000
غير شاملة لأي ضريبة و جمارك
أسيبكم مع الصور
اشكركم و يارب يعجبكم الموضوع
