[تامر ديزل]

المشاركة الأصلية كتبت بواسطة mmffor صباح الخير على كل المصريين و يا ريت تفككوا بقى من حوار كرامة و حرية و عدالة اجتماعية لان في النهاية في معادلة حسابية الشعب + الجيش = ايد واحدة الجيش = فلول الشعب + الفلول = ايد واحدة

انا بحترم الاستاذ mmfor جدا وارجوا انه يتقبل هذا الاعتراض ويناقشني فيه لان المناقشه معاك متعه
الشعب + الجيش = ايد واحده
المجلس العسكري = فلول
المجلس + الفلول = ايد واحده
الشعب نسيبه ف حاله خالص وماينفعش نظلمه كفايه اوي عليه البهدله اللي شافها وبيشوفها
البعض زعلان من الشعب ليه ؟ علشان عايز يعيش ؟ علشان شغال ؟ علشان طيب وبيسامح ؟
ماله الشعب ؟ همجي ؟ ماشي هوا مين علمه النظام وهوا ماتعلمش ؟ خواف ؟ ماشي مين اداله فرصه يقول رايه وهوا ما قالش
ياجماعه دا احنا لو حد من الزملاء المتعلمين المتنورين لو حصل وقال رايه وليقيناه بيخالفنا بننزل فيه شتيمه ولا كأنه كافر
اول مره الشعب قال رايه بحريه يوم 19 مارس اتقال عليه جاهل ومابيفهمش و المشايخ ضحكوا عليه
ليه كده بس
والله انا قلت لأ في الاستفتاء وكنت متوقع ان الغالبية قالت لا ولكن لما طلعت النتيجه احترمت قرار الغالبيه
لو الغا لبيه اختاروا الفلول خلاص ده قرارهم واللي مش عاجبه يشتغل الشغل السياسه الصح ويوضح للناس ويعرفهم ويشفق عليهم ويطلع بحلول احسن وافيد من الحلول اللي بيقدمها الفلول للشعب مش يشتمهم مهما لما بيتشتموا بيبعدوا اكتر صدقوني