أولاً مبروك عليك و ربنا يكفيك شرها
بالنسبة للصوت هل هو تكتكة من منطقة دراع الإشارات ولا طقطقة مكتومة تصدر من ورا التابلوة و تحس بيها فى الطارة
لو تكتكة: بتحصل عادى و دى من الأجزاء المسئولة عن فصل دراع الإشارات لو إديت إشارة و بعدين لفيت
لو طقطقة مكتومة: يبقى عياذاً بالله عيب علبة الدريكسيون بس من بعد 2010 ما ظهرش العيب مع حد
بالنسبة للإنذار فكل إللى هتستفاد منه هو حساس الإهتزاز اللى مش موجود عندنا ... عموماً ما تقلقش قوى علشان العربية فيها إيميبولايزر يعنى لو حرامى إتقلب قرد مش هايعرف يدورها إلا بمفتاحها الإصلى أو مفتاح يكون ناسخ منه شفرة المفتاح الأصلى
أما الصيانة فأنا من ساعة ما إستلمت بأعملها فى عصام و صفا
و هتلاقى دراع صغير على شمال الطارة بينزل لتحت و ماتنساش ترجعه مكانه كويس بعد ما تطلع الطارة أو تنزلها و مهم إنك تعرف إن الطارة إما تخليها فوق للأخر أو تحت للأخر يعنى ما ينفعش توسطنها ... و ده علشان ما تتحركش و إنت ماشى
لو عندك أى إستفسار أنا فى الخدمة
