[AbOnOrA]

هل هو مطلوب مني اني اصرف من جيبي على كل طفل اهله معهموش فلوس .. انت شايف انه ده الحل ؟

لاء يا اخى مش مطلوب منك تصرف على كل طفل اهله ممهومش فلوس بس على الاقل كنت حالة يوسف ديه بس
وانت نفسك حكيت ازاى الممرضات بظروفهم المتواضعة ديه ساهمو باجرهم
انت ليه استكترت تساهم زيهم ؟؟

الحالة اللى انت حكيت عنها حسب كلامك الجهاز بالنسبالى مقوم اساسى للحياة ونزعة يعنى موت محقق زى مانت قولت وهو على السلم ازاى جالك قلب تشيله من الجهاز وتديه لابوة وانت شايف دموع الراجل فى عينة ؟

انت معاك 150 جنية كنت بيهم اشتريله بيهم يوم ولايوم الا ربع
كنت بنصهم اشتريله بيهم نص يوم 12 ساعة واجتهد فى الوقت ده انت واهله انكم تلاقو حل بديل ومين عارف كل ساعة ممكن يحصل ايه

انا وكلنا مؤمنين بربنا وان ده قدرة وان يمكن فى اللى حصل عبره لاهلةاللى دفعو اللى وراهم واللى قدامهم علشان حته عيل وشافوه لمدة خمس ساعات وراح منهم تانى علشان 3000 جنية
وان كنت مستبعدش ان ابوه وامه عقلهم يطير بعد اللى حصل ده وتبقى المحصلة اسرة بكاملها ضاعت مش مجرد طفل مات علشان 3000 جنية

وبعدين اسمحلى انا حاسس بشبح استهتار كده فى كلامك عن انك مش المفروض تدفع لكل طفل هيموت قدام عنيك
ياخى انا لو مكانك وشغلتى ديه هتخلينى اشوف طفل بيموت كل يوم قدام عينى علشان 3000 جنية هسيبها والله وهدور على شغلة تانية
انت مستسهل انك تدفع اللى وراك واللى قدامك حتى فى انك تحيي طفل واحد بس ده ربنا قال (( ومن أحياها فكأنما أحيا الناس جميعا )) وده على كل البنى ادمين مش الدكاترة ولا اصحاب المستشفيات فمابالك بالدكاترة واصحاب المستشفيات

وبعدين حضرتك ترجع ترد على نفسك وتقول انك بتساهم فى عمل خيرى لمعالجة 30 طفل مجانا وبكامل التكلفة
طيب معرفتش تعتبر الطفل ده بحالتةاللى هى حياة او موت لاسرة بالكامل وتعتبرة حالة من ال 30 حالة ؟؟؟؟؟

فهمنى يا اخى بالله عليك انا دماغى شتت من ساعة ما قريت موضوعك ده