رد: يارب ارحمنا من دم اولادنا يا رب ..
ديه المرة التالتة اللى اقرا كل ردودك والحكاية كلها بدافع انى فعلا مستعجلش فى القاء اللوم عليك وبرضو مش مقتنع
وخلينى اقولك انا مش مقتنع ليه
الاول حضرتك حسبتها غلط من الاول
فانا لازم الاول احسبها معاك صح علماً بان شغلتى لسنين كانت استشارى شبكات ونظم معلومات وده يعنى ان ابسط حاجة لازم نتعلم نعملها اننا نحسب تكاليف تشغيل ويمكن ارباح كل معدة او جهاز فانا فى كلامى الجاى مقصدش اتدخل فى حياة حضرت الشخصية ولا العملية ولا طريقة شغلك انما مجرد راى موضوعى والله مش اكتر
اولا عايزين نوضح ونشيل شوية حاجات مغلوطة حضرتك ذكرتها وكررتها للاسف فعايزين نستبعدها علشان الصورة تبقى اوضح لينا كلنا واولهم انت
انت قولت الجهاز تمنة 65 الف وتكاليف تشغيلة 300 جنية فى اليوم وانت بتكسب منه 100 جنية فى اليوم
وشايف ان ده مكسب قليل
ده مش مكسب قليل لان المكسب ده صافى وقيمتة فى اقل من سنتين تعادل قيمة الجهاز وعادة ما بتتجاوز الاعمارالافتراضية لانظمة زى الحضانات الخمس سنين بالصيانة الدورية
فانت اولا كسبان فى اول سنتين انك بتجيب مصاريف التشغيل لبنود التحاليل والمحاليل والتمريض
وكسبان 100% فى السنين اللى بعده بما يكفى انك تجيب جهاز تانى من مكسب الاولانى وزيادة وتستمر فى التربح من ملكية الاجهزة وتشغيلها
كون ان الارباح بتتقسم على 4 اللى هما الشركاء ده مش قصتنا ولا قصة يوسف
كمان موضوع البنك وعليكم 35 الف ديه برضو ملهاش علاقة بقصة يوسف وبرضو انك تتحبس ده مش كلام دقيق لان مفيش بنك بيحبس حد لمجرد انة اتاخر عن سداد دفعة ولا اتنين ولا تلاتة وحتى لو اربع وخمس دفعات البنك بيحول الموضوع للشؤون القانونية وغالبا بيحاولو يكلموك الاول وان مكانش فيه فايدة بيتحركو بدعوة ضدك مش فى يوم وليلة بيتحكم فيها ولما يتحكم فيها تقدر تعمل معارضة وتقعد شهور تماطل لحد ما تدفع وقت ما انت عايز وده الواقع اللى حضرتك المفروض تكون عارفة كواحد فى السوق وصاحب مال او مشروعات مفيش حاجة اسمها مدفعتش هتحبس الا فى الافلام العربى او قضايا المال العام والحاجات المتوصى عليها واعتقد البزنس بتاعك كله بعيدعن دول ودول
الحاجة التانية والاهم انك حسبت ان بعد ما الممرضات (ربنا يباركلهم ) تبرعو بمجهودهم وانت شيلت معامل الربح اليومى (اللى مش عاجبك ) بقى الحساب الاجمالى 200 جنية فى اليوم
فى ال15 يوم المطلوبين يبقى الاجمالى 3000 جنية مش 6000 جنية اللى حضرتك بتكررهم على اعتبار انهم اجمالى المبلغ المطلوب
يتبع ،،،،
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|