المشاركة الأصلية كتبت بواسطة mar mar
انا مش عارفه اقولك ايه
انت عارف لو كنت سيبتوا يوم بس او يومين وقولت في موضوع علي المنتدي انك عايز ناس تساعدك كنت هتلاقينا كلناجانبك وكان كل واحد هيقدر يساعدك ويساعد يوسف
بس انت جاي تحكي بعد ما حصلت
انا فهمه ان ده بيتكرر معاك كل يوم بس يوسف كانت حاله تستحق انك تعاملها كانها حاله نادره
وكان ربنا هيفرجها عليك وعلي شركائك علشان اسعدتوا زوجين بطفل كانوا بيتمنوا من 7 سنين
انا عارفه حالتك النفسيه عامله ازاي اكيد دلوقتي وبعد ما شفتوا بيموت قدامك اكيد قولت كنت سبتوا يعيش
ربنا يكون في عونك انت بتشتغل شغلانه صعبه اوي من الناحيه النفسيه
ربنا يرحم يوسف ويرحم ابو وام يوسف
ويرحمك من شعورك ده واحساسك ده
ويرحمنا جميعا من الاهمال اللي في البلد دي
انا بس بلوم عليك انك مسبتوش يوم او يومين
كان ابوه ممكن يتصرف او انت تنشر الموضوع علي المنتدي واحنا نتصرفلوا
ربنا يعوض ابوه وامه خير
ربنا يصبر قلب ابوه وامه
يارب الهمهم الصبر
|
يا جماعة الف شكر على روحكم الحلوة دي ..
بس في ملحوظة صغيرة ...
انا شغال في المكان ده.. و المكان ده خاص .. وانا بكسب منه ..
مينفعش اجمعله تبرعات ..هيبقى فيها شبهة ..
اخد تبرعات من الناس علشان اكسب انا ....
و يوسف قصة لازقة في دماغي
موش لانه حالة استثنائية ..لأ
احنا بنشوف كده كل يوم و الله العظيم ..
بس لانه من الحالات القليلة اللي معرفناش نتصرف فيها
لا انا و لا زمايلي و لا اهلى ..
و دي مستشفى خاص ..
يعني الفلوس لو ما ادفعتش هيسجنوا ابو الولد ..
و لو دخلته انا .. يبقى هدفع انا ملهاش حل ..
و انا موش بحكي الحكاية دي علشان كل ما يجيلي واحد معهوش فلوس ادخل هنا على المنتدى و اناشد ذوي القلوب الرحيمة ..
لأ
انا عايز افكر في حل جذري ..
يضمن كرامة الراجل ده و اللي زيه ..
و احنا -للعلم يعني- الاربع اطباء الشركاء
ربنا فتحها علينا و فاتحين مركز خيري باحد المساجد الشهيرة في المهندسين و بنعالج فيه حوالي 30 طفل شهريا مجانا بالكامل من فلوس تبرعات اهل الخير
و بمجهود تطوعي كامل مننا..
بس
ده موش حل برده..
احنا لقينا حل ل 30 طفل قدام 500 طفل بيموتوا زي يوسف كده شهريا ..
و انا عايزكم تتعاملوا مع الموضوع نفسه .. و ليس يوسف الله يرحمه بصورة شخصية ..
و ربنا يوفقنا