المشاركة الأصلية كتبت بواسطة miam0502788391
السلام عليكم
شكرا على طرح الموضوع
خدوا دى كمان
بدل عدوى الطبيب 19 جنيه تخيلوا 19 جنيه والرقم بينزل لو فى حالة ممرضه
طيب بدل عدوى لوكيل النيابه كام بقى ؟؟ 500 جنيه ايوه خمسمائة جنيه , ثم هو وكيل النيابه هيتعدى من مين وهيتعدى بإيه
طيب دى كمان :
أطباء الأشعة (زى حالاتى ) ليهم بدل تعرض للأشعة 5 جنيه اى والله 5 جنيه وأقسم بالله حتى هذه اللحظه لم اتحصل عليها علشان لازم اقدم ورق ايه وامضى مش عارف ايه علشان يطلع موافقه من المديرية الصحة بعد دوخة ولف بصرف 5 جنيه للمذكور
شوفوا الأسوأ
اى طبيب يتقدم للدراسات العليا سواء ماجستير او دكتوراة عليه بدفع اتاوه لوزارة الصحة قدرها 200 جنيها مصريا علشان الوزارة توافق على طلب التسجيل للدرسات العليا الكلام ده فى عهد الوزير الاسبق حاتم الجبلى والذى لم يكن له اى وجود قبل ذالك , يعنى الوزير شايف ان الدراسات العليا للطيبب رفاهية وضياع للوقت
|
احنا كان فني الاشعه اللي عندنا في الكليه صوابعه مقطوعه وعنده عجز كده
وعرفنا وقتها انها من الاشعه
قلي بقي 5 جنيه يعملوا ايه
نفسي اعرف وكيل النيابه له بدل عدوي علي ايه
هما بيمشوا علي رجليهم اصلا
والله ساعات كنت بروح الشغل زمان علي عربيه ربع نقل ومتشعبط من وره
نفسي اعرف المسؤلين في مصر بيفكروا ازاي
وعلي راي اللمبي
هي الناس دي بتاكل ايه بيبي
المشاركة الأصلية كتبت بواسطة drasd
السلام عليكم
انت قديم قوي يادكتور
مصاريف تسجيل الماجيستير في جامعة القاهرة 1500 جنيه كل سنة من اول ما تسجل لغاية ماتمتحن وتناقش الرسالة وتخلص
يعني تقريبا لو كنت محظوظ 1500 جنية في 5 سنين = 7500 جنيه
اما ال 200 جنيه دول رسوم دخول امتحان فقط مالهمش دعوة خالص بالمصاريف السنوية
والدكتوراة حوالي 3000 جنيه إلا حاجة بسيطة
والارقام دي انا متاكدمنها لانها متعلقة في شئون الدراسات العليا
وتقد تتاكد من اي دكتور مسجل من 2007 لغاية دلوقتي
--------------------------------------------------
المهم بمناسبة بدل العدوى انا اعرف واحد كبير في السن كان فني اشعة توفى بالسرطان ودا نتيجة تعرضه المزمن للاشعاع طبعا وابقى خلي بدل التعرض للاشعة يتحطله على المعاش
---------------------------------------
وخد دي كمان
---------------
العلاوة الاجتماعية بتاعة الجواز 2 جنيه شوفت الهنا اللي انت فيه
وعلاوة الطفل الاول 2 جنيه كمان يعني ((((((((((((( 4 جنيه ))))))))))))))
طبعا دا مبلغ كبير انا انصحك انك لما تاخد العلاوة دي ما ينفعش تمشي بيهم في الشارع انا خايف عليك انت عارف الانفلات الامني اللي في البلد لازم تروح بسرعة وتشيلهم في بنك على ما تشتري بيهم فيلا في اكتوبر او تشتري بيهم اسهم في احدى شركات البترول دول 4 جنيه يا جماعة مش هزار
صدقني الراجل اللي بيمسح السلم عندا في العمارة بياخد 5 جنيه في الاسبوع من كل شقة مش دكتور متجوز ومخلف ياخد 4 جنيه في الشهر
---------------------------------------------------------------------------
بس انا مش قادر اكتب اكتر من كدا
|
1111111111111111
ياه 4 جنيه بحالهم
تلاقيك يا دكتور حتتجوز وتاخدهم عشان تعدي
بس ما تنساش تبقي تعدي عليا
المشاركة الأصلية كتبت بواسطة د.كمال
ليه كده يادكاتره بتفكرونا
أنا فاكر لما كنت فى إمتياز سنه 92 كان مرتبى 88 جنيه كنت بسيبهم للى قاعد على دفتر الحضور والانصراف عشان ميكتبنيش غياب .
بصراحه الله يكون فى عون الخريجين من الاطباء اليومين دول .
لكن الحاجه الغريبه ياإخوانى إنى بشوف اليومين دول ناس بتودى أبنائهم كليات الطب الخاصه ويدفعوا مصروفات فى السنه الواحده 30 الف جنيه غير مصاريف السكن والدراسه وفى الأخر إبنهم هيتخرج ومش هيلاقى شغل ..
|
30 الف ده كان زمان
جلوقتي بالسكن والكتب والاشتغالات ممكن 60 الف
مش عارف علي ايه