مبروووك مقدما...بص ياسيدى انت قبل ما تطلع بالعربية ان شاء الله هتبقى على الوضع P وده وضع الركن...طيب انت عاوز تنقل للD او 3 فهتدوس فرامل وتنقل ةخلى بالك العربية لما تشيل رجلك من على الفرامل هتمشى لوحدها وممكن سرعتها كمان تزيد فخلى بالك ومش اول ماتنقل تدوس بنزين لان العربية هتطييير منك..سيبها تمشى شوية بالفرامل ودوس سنة سنة بنزين...وانت بتنقل من اى وضع D او اى وضع حركة الى وضع R لازم تدوس فرامل يعنى العربية تكون واقفة وانت راجع لورا والعكس صحيح...
يبقى الفرامل من D----P
R----D والعكس
طبعا خلى بالك العربية بتمشى لوحدها لو شلت رجلك من على الفرامل
ان شاء الله فى كتالوج للعربية
طبعا فى الاول براحة خالص على البنزين لحد تتعود على الاوتوماتيك...انت حالتك عكس حالتى انا بقالى زمن مسوقتش مانيوال وكل سواقتى اوتوماتيك...
طبعا فى نقلات الفتيس براحة بالتدريج متكرش اللنقلات كلها مرة واحدة عشان الفتيس يعيش معاك فى عزك
الRPM ده عداد سرعة الموتور يعنى كام لفة فى الدقيقة اغلب النقلات فى الفتيس المانوال بيبقى عند 4500 لفة فى الدقيقة..لكن الاوتوماتيك العداد تقريبا ملوش لازمة ...واى اسئلة انا تحت أمرك