[romioromio]

السلام عليكم اولا

وعليكم السلام ورحمة الله وبركاته

انا سعيد ان حضرتك فتحت هذا الموضوع لانه موضوع مهم ويختلط على الكثيرين لعده اسباب اولها حاجتهم الملحه للشراء والرغبه فى التيسير والتى يقدمها البنك فى مدد تصل الى 7 سنوات فى بعض البنوك وعدم توافر سيوله نقديه معهم مع عدم توافر بنوك اسلاميه حقيقيه او جهات تقوم بالتقسيط بالطريقه الشرعيه السليمه التى لاتغضب الله ورسوله

ويجب ان نعلم عده نقاط اولا : انه من ترك شيئا لله عوضه الله خيرا منه انا مثلا كنت اعمل فى احد اقوى البنوك فى مصر وحكومى وترك العمل به لوظيفه ب500جم فى الشهر وبعدها ربنا كرمنى بوظيفه برضه حكوميه ب5000 جم فى الشهر واتجوزت والحمد لله وذلك لانى تركت وظيفه البنك لوجه الله وحده وابتغاء مرضاته وكنت قانعا بذلك حتى لو استمريت عمرى كله اخذ 500 جم لانه لا يوجد احلى من الحلال ثانيا : كل لحم نبت من حرام فالنار اولى به " فنتق الله فيما نطعم ابنائنا " ثالثا : درهم ربا اشد من سته وثلاثون زنيه فى الاسلام "فما بالك بالاف الجنيهات" رابعا : انه من يستغن يغنه الله ومن يستعفف يعفه الله انا والله معايا 128 وعاوز اغير وممكن اجيب سيراتو بس المشكله ان كله ربا وكله بنوك وقرف ولمؤاخده وانا لسه صابر وهاخد جمعيه ان شاء الله فى 3/2012 وان شاء الله هيكون معايا 40 الف وهاروح لمعرض ياخد المبلغ ويقسط الباقى على سنتين فقط دون ايه تعاملات بنكيه اوتامين برضه حرام . طبعا واحد هيقول طيب ما المعرض هايزود عليك اقولك انا شروط البيع بالتقسيط : اولا : ان يكون البائع يمتلك السلعه , تقولى ما البنك بيمتلك العربيه اقولك ده تحايل على الدين لانه من اساسيات العمل فى البنوك ودى اللى درسناها فى اول كتاب محاسبه فى اولى تجارة البنوك نوعين ربويه وغير ربويه والربويه شرط الا تعمل فى اى تعاملات تجاريه تحتمل الربح او الخسارة يعنى لا يتاجر بالاموال انما هو وسيط يعنى ليس له مخازن ولا يستورد ولا يتاجر فقط وساطه , يعنى ببساطه لازم تحجز العربيه بمبلغ كضمان للجديه ثم هوة يشترى العربيه بالكامل من المعرض ويقوم بتقسيط المبلغ له وده تحايل , وطبعا البنوك دلوقت ماشيه بالنظام ده وبتقول لك اسلامى وحسبي الله ونعم الوكيل فيهم . ثانيا : يجب ان تكون لك حريه الاختيار بعد الشراء فى التصرف فى السلعه وده عكس اللى بيحصل وهوة حظر البيع الموجود , واحد هيقولى طيب ما ده علشان البنك يضمن فلوسه اقول له هوة علشان يضمن فلوسه اغير حد من حدود الله ثالثا : التامين الاجبارى وهو طبعا حرام انا اسف انا متاكد ان فيه ناس هاتزعل بس احنا مسلمين ولازم ننصح بعض والدين النصيحه وكمان احنا مهما احتجنا العربيه برضه هيه كماليات يعنى مش هانموت من غيرها والصبر حلو واحنا عاوزين ربنا يسترها معانا لحد لما نطلع من الدنيا وزخرفها على خير آسف للاطاله وربنا يوفقنا واياكم لما يحبه ويرضاة والصلاة والسلام على سيدنا محمد وعلى آله وصحبه وسلم وعلى من اتبعه باحسان الى يوم الدين

جزاك الله خير
ويحققلك حلمك وتجيب السيراتو

بس سؤال مش برئ

هو وظيفة ايه اللي في الحكومة بتدي 5000 جنيه

عشان نسيب الطب ونقدملها

ربنا يديمها عليك نعمه يا جميل ويخليك لاولادك