رد: اية العربية اللي في حدود 30 الف جنية
انا كانت معايا الفيليشيا و السيينا .. و والدي كانت معاه البرايد سيدان اوتوماتيك ..
البرايد كويسه ... وقطع غيارها متوفره و رخيصه وصيانتها سهله ... والافضل في السيدان المانيوال ...
الفيليشيا برضو عربيه كويسه لكن قطع غيارها اغلا و احسن موديلاتها 97 ( كاربيراتير ) .. وعمرها ما سخنت معايا .. بعد كده من 98 انجيكشن ...
وهي برضو (الفيليشيا) احسن تقفيل في التلاته .. لكن مفيش باور ... اخشن واحده في التلاته ...
السيينا ... لو بتفكر فيها يبقى الاحسن ال 1400 ... مش معقده زي ال 1600 .. كانت معايا و عمري ما قابلت مشاكل السخونه .. بس اكسسوارها قليل و اسعاره عاليه نسبيا .. و مش بياعه زي الاكسنت و الانوس و علشان كده سعرها نازل عنهم .. لكن اعتقد مش حتقل عن 35 الف لو حالتها كويسه ...
لكن سواقتها سلسه و ناعمه جدا .. لكن التقفيل المصري طبعا مش اد كده ...
الاسلم ... البرايد ... وممكن الاونو ..
__________________
من تواضع لله رفعه The ultimate car would be designed by Italians engineered by Germans built by Japanese &
|