المشاركة الأصلية كتبت بواسطة mf86
ياريت تعيد سماع المقطه بتأني
المشير قال لا مش هنفتح النار علي الشعب
يعني هل قال جاتلنا اوامر بضرب المتظاهرين واحنا رفضنا ؟؟؟
ونفس الؤال ده اتسأل للمشير في اجتماعه مع قادة وضباط المنطقة المركزيه ؟؟
قال أنا قلت في حفل كلية الشرطه كلمة للتاريخ أن سلاح الشعب لن يتوجه الي صدر الشعب ومهما حصل الجيش لن يطلق النار علي المتظاهرين ...
ولما سألناه عن شهادته امام المحكمه قال .... لارقيب علي الا الله ثم ضميري ولن ولم أشهد زورا ....
|
لا مش حنفتح النار على الشعب .... هي مش ( لا ) دي معناها رفض او رد على سؤال ... يعني ( لا ) مبتطلعش لوحدها لازم يكون قبلها في طلب او سؤال !!
ما علينا ....
عموما احنا مش حندخل جوا ضماير الناس و مش بشكك في مصداقيه ووطنيه حد
خصوصا رجال الجيش لأن الجيش المصري دايما له معزه خاصه في قلب اي مصري
وبالنسبالي افتخر بجيشي المصري اللي استرد لينا سيناء و لأن جند مصر ذكروا في القرأن انهم خير جند الارض
لكن .....
خير جند الارض هم خير من يحموها و يدافعوا عنها .... مش خير من يحكموها
شاءت الاقدار اني اشتغل فتره مع فريق سابق بالقوات المسلحه ( وكان تولى منصب وزير دفاع و محافظ قبل ما يتولى مجلس اداره شركه عقاريه )
قمه الوطنيه و الاخلاص و التفاني وكل اللي تحب تسمعه
لكن عقليه الجيش واحده ..... تنفيذ الاوامر ... و ده اللي احنا عايشين فيه بقالنا 60 سنه
فسواء لبس البدله او قلع البدله ... العقليه واحده مبتتغيرش
للاسف من ساعه الاستفتاء و ديكتاتوريه القرار واضحه ... انا مش عايز اخوض في تفاصيل و كلام انا نفسي مش عايز اتكلم فيه ....
لكن على الاقل طالما احنا ساكتين و مكتومين ... مش لازم بقى حركات جس النبض المستفزه دي
بس هي الغلطه مش على الناس اللي اتريقت وعلقت ... الغلطه على اللي اداهم الفرصه بخطوه غير محسوبه و تنم عن سذاجه سياسيه وانفصال عن نبض الشارع
