[عصام حشيش]

يا جماعة ارجوكم رجاء خالص لوجه الله تعالى الكلام اللى بيتقال ده والتريقة على الجيش وعلى المشير وبدلة المشير بيعمل فجوة بين الجيش والشعب وده فى قمة الخطورة فى هذا التوقيت والاخطر من كده ان الكلام ده لما اسرائيل ولا امريكا تشوفه اكيد حيكونو فى منتهى السعادة لانكم بتدوهم بكلامكم ده حاجة ماكانوش يحلموا بيها
ايه رايكم ما تيجوا نبطل الكلام ده ونعمل حاجة مفيدة بدل مانضيع وقتنا فى شىء يخسرنا ويفيد اعدائنا ويبقوا ضحكوا علينا ووقعونا فى بعض
ما تيجوا نبدا مع بعض من دلوقتى نحول كل كلامنا لتوحيد كل المصريين على كلمة واحدة
ماتيجو ناكد لكل الدنيا ان المصريين فعلا فى رباط الى يوم الدين
انا والله العظيم عارف انكم بتعملوا كده من كتر حبكم لمصر وعارف كمان ان كل واحد فيكم جواه بركان من كل اللى بيحصل
علشان كده ياريت نحول كل الغضب وعدم الرضا ده لطاقة نجمع بيها نفسنا ونوحد صفوفنا وقبل كل ده لازم نقنع انفسنا ان مصر بتاعتنا كلنا وجيش مصر ملكنا وان المجلس العسكرى ده فيه قادة هذا الجيش المصرى العظيم مهماش قادة اسرائيلين ولا خونة ولا ماجوريين
يا جماعة الجيش جيش مصر مش جيش طنطاوى
ايه رايكم نجرب اللى انا بقولو ده لمدة 24 ساعة بس وانتم حتشوفوا الصفحة دى حيبقى عليها ملايين وساعتها حنخلى المجلس يعمل كل اللى المصريين عايزينه بس نجرب وان شاء الله حننجح وخلال ايام النتيجة حتبان وحنشوف كام واحد بيحب مصر مش المجلس ولا المشيروياريت يكون شعارنا مفيش مصرى يهين مصرى ولا يتريق عليه ارجوكم علشان ماحدش يهينا ولا يتريق علينا
ونختلف مع بعض بس مانكرهش بعض وكل واحد فينا يحترم راى الثانى لاننا مهما اختلفنا فى الراى احنا فى مركب واحدة لو عامت حتعوم بينا كلنا ومش حكمل لو الثانية
لانها ان شاء الله حتعوم يعنى حتعوم بيكم وبكل المصريين الخلصين
وتحيا مصر ويحيا كل المصريين