رد: أسئلة للخبراء عن : لانسر بومة 1600 سى سى
بسم الله
بالنسبة لأول سؤال: موضوع الكاسيت امره بسيط جدا وليه حلول كتير....
اول وأبسط حاجة : ان يكون موبايلك فيه ترانسميتر على الراديو
تاني حاجة : ترانسميتر الولاعة بفلاشة او كارت ميموري
لو معاك تليفون او ايبود فيه وصلة 3,5 تقدر تجيبله شريط MP3
لو ليك مزاج اعمل وصلة على الضفيرة AUX 3,5
كاسيت جديد بايونير او نظام سوني اكسبلود (شديد اوي ده)
تقدر تشتري الكاسيت السي دي من التوكيل ب 3000 جنيه (شينجر 6 اسطوانات)
تقدر تشتريه من تجار الخردة وعربيات الحوادث ب 1500 -2000 جنيه
......................... ...........
تاني حاجة : استهلاك البنزين : انا بعمل مشوار 50 كيلو يوميا بحوالي 3 ليتر 92...من اكتر العربيات الموفرة بصراحة في 1600 ....
.....
الفوجات مش مشكلة عويصة ....بتتعمل في مصر بمنتهى السهولة عند اي كماليات وتتركب عند اي كهربائي
......
الفرامل فعلا في الكلاسيك مفهاش ABS ....عموما مش هتفرق كتير طول مانت ماشي على مهلك وربنا يبعد عنك كل أذى...
.....
نصيحة شخصية : السوبر اكشن الكاملة (فتحة سقف-سي دي -الخ) ماسكة سعرها لو حبيت تبيع
.......................
بالنسبة للفوكاس عربية محترمة جدا جدا ولا غبار عليها , بس مش ماشية في مصر...
قطع غيار غالية وغير متوفرة-تقيلة في البيع والشرا -صعبة في المصنعية خارج التوكيل
...................
نصيحة شخصية 2 : الفرق شاسع جدا بين التويوتا كورولا و اللانسر....من حيث الراحة على الطريق والنعومة في السواقة والاعتمادية وسعر اعادة البيع, بس قطع الغيار اغلى شوية بس معمرة .....وانا مجرب الاتنين اللانسر والكورولا وبتكلم عن خبرتي المتواضعة....و ايا كان اختيارك ربنا يباركلك فيه ويبعد عنك كل شر واذى
|