رد: أسئلة للخبراء عن : لانسر بومة 1600 سى سى
و عليكم السلام
العربية بفضل الله معايا من 4 سنيين و نص
و ماشيه 56000 الف كيلوا
العربيه ماحصلش فيها اي حاجه معادا حصل مشكله في العفشه صوت بسيط بسبب واحد صاحبي كنت سايب له العربيه في اجازتي كان بيمشي بيها كتير في ارض تربيه غير ممهده لمسافات كتير
ودتها التوكيل و كانت في الضمان ربطوا العفشه و غيروا حاجه صغيره و العربيه رجعت كويسه الحمد لله
غير كده الحمد لله
مع الاهتمام بالعربيه و تغير حاجاتها في موعدها و استعمال القطع الاصليه و الصيانات الmajor في التوكيل
زي 40000 الف و ال 80000 و استعمال العربيه المعقول باذن الله هتعيش معاك
الجمرك العربيه لزم طبعا تبقي المالك الاول في سنه الصنع
40% جمرك + 15% ضريبه مبيعات مركب علي ثمن العربيه و الجمرك معا +3% رسم تنميه موارد الدوله
علي ثمن العربيه و الجمرك و رسم التمنيه
المحصله تقريبا 69% لو هتنزلها علي طول
و بيعتمد علي
- سعر صرف عمله بلد المنشا بالنسبه للجنيه المصري في يوم دفع الجمرك
- عدد السنيين الاستعمال في الخارج قبل النزول بيها لمصر اول سنه 10% خصم علي الجمرك و كل سنه خصم اضافي 5% بحد اقصي 50 % خصم جمركي بعد 9 سنيين استعمال في الخارج
ملحوظه الخصم الجمركي علي الجمرك فقط و مش علي ضريبه المبيعات و رسم التنميه
رئئ لشخصي لو هتستعملها فتره في البحريين و بعد عدد سنيين هتنزل بيها اشتريها و هتستفاد بيها في البحريين و بعد كده في مصر ان شاء الله
لكن لو هتشتري و تنزل علي طول او فتره صغيره انصحك بلاش هتلاقيها في مصر ارخص و بالضمان و من غير وجع القلب بتاع الشحن و التخليص الجمركي وا نتظار الورق العربيه يوصل من الجمرك للمرور لترخيص العربيه
جمرك عربيتي الهي الكلاسيك (((تقريبا)))) من 38000 ل 44000 جنيه مصري الهي 2007
بعد خصم جمركي 30% علي استعمال في الخارج 5 سنيين
بسبب ان الين الياباني عمال يزيد قدام الجنيه المصري و الدولار
و الله اعلم
|