المشاركة الأصلية كتبت بواسطة Ahmed Anwer
انا بجد مش عارف انصحك ،،
رغم اني مختار في نفس الفئة دي ،،
و اختارت فيرنا ،،
و انا معترف في نفس الوقت ان الفيرنا او اللانوس مالهمشي جاذبية الاسبرانزا
و لا جنوط اسبور و لا ايه بي اس و لا اير باجز و صالون الاسبرانزا اشيك برده
بس انا بخاف من المغامرة ،،،،
نصيحتي ليك انتا مش بتشتري عربية زيرو كل يوم
لا اضغط علي نفسك و اشتري افضل عربية ممكن تركبها
لانك ساعة ماشتريت عربية زيرو هيكون نوع من السفه انك تغيرها قبل اربع سنين مثلا
فاشتري اكتر عربية متزهقشي منها بسرعة ،،
انا هاقولك نصيحة بقولها لاي حد ،، في الفئة دي
امسك العصاية من النص ،، زود حاجة بسيطة
و اشتري نيو اكسنت او جيتز
الجيتز صالونها بنفس وسع اي عربية من دول ناقصه بس الشنطة
و النيو اكسنت شكل حديث و موتور حديث و صالون افضل منهم كلهم ،،
بس قطع غيارها غالية شوية ،، و مش هيفرق معاك كتير بعد مد ضمان هيونداي ل 100 الف كم
بجد الخمس او السبعتلاف جنية اللي هتزودهم
في وجهة نظري افضل قيمة مقابل للفلوس في الفئة دي
خدت شكل حديث مش اللانوس اللي بتنزل من 97 و تلاقيها مع تلت اربع قرايبك و اصحابك
و مثلها الفيرنا ،، و الأهم عربية تقفيل بلادها
|
المشكلة يا أبو حميد ان الواحد فعلا دي أخر امكانياته
وبجد أنا قدرت اني أجمع المبلغ ده بشكل نقدي بعد ما يشبه المعجزة
أنا كنت يا دوب هدفع نصفه أو زيادة شوية لو كنت جبت العربية تقسيط
بس لقيت نفسي هخش في فائدة 20 ألف وتأمين 12 ألف و...........
قلت لنفسي ايه اللي يخليني أركب عربية كل ما أشوفها أفتكر ان ورايا قسط لازم يندفع
الخلاصة ان الاسبرانزا أنا مقتنع بيها جدا.....بس هو الخوف
المشاركة الأصلية كتبت بواسطة sam ram
رأيي طالما حضرتك متردد و محتار اوي كده .. تجرب العربيه الاول ...
يعني تشوف زميل ليك تكون عنده او تأجرها لمده يوم كامل ....
ومن التجربه الشخصيه تقدر تحكم على العربيه ...
هل الاداء و التقفيل و الكماليات مريحينك و مبسوط بيها ... بيقى توكل على الله وربنا يبارك ..
لو حسيت انك لسه متردد او محتار يبقى بلاش منها خالص ...
وساعتها تحاول تتكى على نفسك شويه و تجيب حاجه اعلا شويه .... او كسر زيرو
ومتفكرش لا في الفيرنا و لا في اللنوس طالما مستريحتش ليهم من الاول ...
وزي ما قال دكتور بلبلان ... اهم حاجه تكون مستريح للعربيه ...
وزي ما قال ابونورا ... العربيات في الرينج ده وارد يكون فيها عيوب تقفيل معتاده ..
لأن الحيره و التردد بعد فتره بيبقو ندم و تلاقي نفسك بتدور على عيوب العربيه وتقول يا ريتني كنت زودت شويه او جبت العربيه الفلاني ... مع ان العربيه ممكن تكون زي الفل و مفيهاش الهوا .. او عيوب بسيطه
لكن طبيعه النفس البشريه ... الحيره معناها القلق ... و القلق حيفضل موجود ...
وممكن لو جربتها قلقك يروح وتقتنع بيها ... او تصرف عنها النظر تماما ..
ومبروك مقدما
|
موضوع تجربة العربية دي صعبة شوية يا سامح بيه
أنا صاحبي معاه العربية من 2007 لكن طبعا ما اقدرش أقوله هات العربية أجربها
أنا شخصيا لو حد طلب مني كده هرفض وبالثلث.......وبرضه لو فكرت أأجر هتبصوا تلاقوني عامل توبك تاني أسألكم فيه عن ايجار عربية وخطورة اني أكتب على نفسي شيكات قد كده......مش هنخلص
الحقيقة أنا ركبت معاه العربية كذا مرة وكنت حاسس براحة
وسافرنا بيها لاسكندرية ورحنا مارينا (بتاعة الأغنية) يعني مشينا على طريق الساحل وفتحنا بيها
كل الاختبارات دي نجحت فيها قدام عنيا
باستثناء لما نسي (المسطول) المفتاح جوه العربية وااتضطرينا نكسر الشراعة الصغيرة اللي ورا وعجبني جدا صلابة الزجاج اللي ما كانش راضي يتكسر واحنا بندق عليه بشاكوش
بس اللي ما عجبنيش اننا ركبنا الشراعة ب 90 جنيهptmnlo123per1106 شراعة قد كف ايدي
رغم كل ده القلق برضه ما رحش وفي نفس الوقت برضه حاسس اني مصمم عليها
(ولا بد أن أدخل بهااااااا)
المشاركة الأصلية كتبت بواسطة Nour_peugeot
راي احمد انور عين العقل والله
فعلا الواحد بيشتري عربيه كل فين و فين و محدش يعرف حاجه عن الاسبرنزا و علي اعتماديتها
و احسن نصيحه ممكن اقدمهالك هي النيو اكسنت واسعه تقفيل كويس موتور كويس شكل كويس فرق بسيط في السعر
و ربنا يقدم الفيه الخير
|
شكرا يا نور على رأيك وأنا برضه رأيي من رأيكم
بس أعمل ايه العين بصيرة والأيد قصيرة
كفاية بقى أحسن حاسس اني بشحت ptmnlo123per144
المشاركة الأصلية كتبت بواسطة Dr. Bolbolan
(ولله انا عملت الاستخارة مرتين وبستشير برضه وربنا يكرم..ادعولي)
لا يا دكتور درش ! ما ينفعش بعد استخارة ربنا تستشير حد تانى!
لآن الاستخاره استشاره !
اعمل استخاره أخيره و توكل على الله !
Dr. Bolbolan ptmnlo123per1127
|
الله ينور عليك يا كبيرنا
بس الفكرة برضه ان الواحد لازم ياخد بالأسباب وما يقصرش في السؤال عن الحاجة اللي حيشتريها