السلام عليكم ورحمه الله وبركاته
الاول انا اسف لو الموضوع مكانه مش هنا بس مش لاقى مكان غير هنا اكتبه فيه
ثانياً كل سنة وانتو طيبين <<< مش عارف بمناسبة ايه بس كل سنة وانتو طيبين :D
انا كاتب الموضوع هنا علشان عارف ان الاعضاء المحترمين هنا هم اللى هيفيدونا بالموضوع ده
ان شاء الله انا ناوى اشتري عربية كريستالة
وكنت عاوز حد معايا فاهم كويس يعاين العربية
ان شاء الله انا هشوف كذا عربية وعاوزه يبقى معايا علشان يشوف لو العربية كويسة او فيها حاجه او محتاجه حاجه او مغيرة او الكلام ده كله
لو حد يعرف سمكري كويس او حد يعرف يفيدنى فى الحوار ده يبقى جزاه الله كل خير
وطبعاً مش هنسى الراجل اللى هيجي معايا
يعنى غداه وعشاه وسجايرة واللى يطلبه مش هتأخر عليه ان شاء الله
بس طبعاً انا عاوزه يكون فاضي اليوم ده علشان احنا هنشوف كذا عربية
ان شاء الله كلهم هيبقى فى القاهره
انا هكلم كذا واحد كان عامل اعلان يعنى وهقابله ونشوف العربية وكدا
ودا بقى استفسار لو حد يعرف الحوار ده
هو انا مش من القاهره من كفرالشيخ
فـ مثلا لو عجبني عربية لان انا هروح اشوفها مبدأيا وبعد كدا لظروف سفر والدى هيجي معايا بعدها ويشوفها ونخلص فيها ان شاء الله
علشان اربط كلام مع الراجل وميبعهاش بقى تفتكرو مثلا اديلو مبلغ كـ ربط كلام ولا اعمل معاه ايه ؟
ولو اديتله مبلغ يبقى ضمانى ايه انو وصلو مثلا المبلغ ده ؟
واسف على الاطاله وشكراً جداً لكل اللى هيرد ويساعد
