المشاركة الأصلية كتبت بواسطة TheSantos128

شكرا يا فندم لمرورك ولعرض وجه نظرك .

العفو يا باشا

..بس الفكره حضرتك انك لو لاقيت "صبى ميكانيكى" ..مش شغال كويس هتقول حاجه من اتنين 1- جاهل ,2- مش عايز يشتغل

معلش ايه اللي خلاني من الاول اروح لميكانيكي سمعته مش حلوة ..اعتقد لأ هاروح وادور وأسأل لغاية لما الاقي حد بيتقى ربنا في شغلة انا من الناس اللي ماحبش اجرب ..لأ احب اخد خبرات الاخرين وبالذات المقربين عشان ماقعش في غلطة زي دي

فاحضرتك اكيد انت عارف ان الشرطه المصريه قبل الثوره كانت نوعا كويسه وشايفه شغلها ما

مين اللي قال كدا وانا قلتها مرارا وتكرارا هنا في المنتدى الشرطة قبل الثورة كانت مهمتها الاساسية تامين ماتشات الكورة وتامين الشخصيات الهامة في الحكم فقط لا غير

ولذلك لما تلاقى "اربع ضباط" واقفين فى ميدان الجيزه مثلا وسواقين الميكروباص "العربجيه"
بيحملو فى نص الميدان وهما واقفين يتفرجو ا يبقى حاجه من اتنين 1- خايف يتكلم فيتضرب ,وفى الحاله دى يروح بيتهم ويشيل الكتافات ويسلم سلاحه ويشوفله فندق يشتغل امن فيه
2- شايف ومنفض وبيقول ياكش تولع ..وفى الحاله دى يتحقق معاه نتيجه اهماله وبرضه يمشى
الموضوع موضوع مقدره لو الظابط شايق انه مش هياقدر يشوف شغله كويس يسبها احسن

بخصوص كلامك دا حاحكيلك موقف من ضابط شريف في الالف مسكن حاول يعمل انضباط مع سواقين الميكروباص ...كانت النتيجة ان سواق ضربة بالعربية بتاعتة ولما حب يعمل مشكلة في الداخلية فوجئ بان الواد ده مسنود واللي مشغلهم لوا شرطة ...تخيل ...

كمان حكاية صغيرة واحد صاحبي عمل حادثة عند طريق الواحات مع بيجو اجرة وراح في غيبوبة 6 شهور ولسة بيعاني من اثار الحادث الى الان المهم والده وخاله راحو القسم عشان الحادثة لقو صاحبي هو اللي غلطان في المحضر ودا عشان سواق العربية البيجو سبق وعمل محضر وطلع اللي مشغله لواء برضة ولولا ان خال صاحبي دا كان عقيد فتم التصالح بينهم...تخيل

يدربوا شباب الاكادميه من الاول ازاى يتاعمل مع الناس ياخدو دورات ..يتندبوا ظباط من الجيش

صعبة الحكاية دي لان ضباط الجيش عندهم مهمة اهم غير انهم يفتقدو حس التعامل اليومي مع الموطن زي ضابط المرور طبعا

مش عساكر...والدنيا تمشى ..لكن المنظر دلوقتى بيقول عكس كده...

اكبر كارثة غير اكاديمية الشرطة المعاهد بتاعه امناء الشرطة دي بتخرج مجرمين مش امناء ابدا
دول برضة عايزين غربله جامده جدا

طب حضرتك احنا بنشوف التخاذل فى ظباط المرور مابالك لو روحت قسم شرطه عتدك بلاغ او شكوى ايه اللى هيحصل ...

ولا حاجة ...

المشكله يا فندم مشكله تنظيميه ونفسيه ....والمشكله الاكبر ان اصحاب المراكز الكبرى عارفين المشكله ومش بياخدو قرار حازم .."وده يرجعنا لمشكله الولاء للوزير السابق" والله اعلم

عندك حق في دي الصراحة