حادث مروع
كتب – يوسف جمال :9/25/2011 10:24:00 AM
منقول من موقع مصراوى
فى حادث مأساوى أعلى كوبرى أكتوبر، لقيت عروس وسائق وطفل مصرعهما واصيب العريس بإصابات بالغة، إثر اصطدام سيارتهما القادمة من اتجاه عبد المنعم رياض بسيارتين في الاتجاه المقابل خلف سنترال رمسيس.
وقع الحادث بسبب السرعة الجنونية لسائق سيارة العروسين الذين كانا فى طريقهما الى شقة الزوجية، حيث انتقلت سيارات الإسعاف إلى موقع الحادث، وقامت بنقل الجثث والمصابين إلى مستشفى الهلال.
وتسبب الحادث تعطل حركة المرور لمدة ساعتين أعلى الكوبرى .. تم تحرير محضر بالواقعة وتولت النيابة التحقيق.
وكانت أجهزة الامن بالقاهرة قد تلقت بلاغا بالحادث، وتبين أنه أثناء سير السيارة رقم ( ب.ع. ط 264 مصر ) قادمة من اتجاه عبد المنعم رياض إختلت عجلة القيادة فى يد سائقها لتتخطى السيارة الجزيرة الوسطى لكوبرى أكتوبر وتصطدم بسيارتين قادمتين فى الاتجاه المعاكس .. نتج عن الحادث مصرع عروس وسائق وطفل ونجا العريس وطفلان أخران من الموت وتم نقلهم الى مستشفى الهلال فى حالة خطيرة.
وده كان نهايه الخبر
بعد قراءه الخبر ده فعلا حسيت بالحزن على العريس اللى فقد شريكه حياته فى ليله العمر
لكن ...بصراحه الحادث ده مش ممكن يتصنف تحت "القضاء والقدر"....بل هو نتيجه الاهمال.
انا غالبا كل يوم بعدى من هناك الجزء اعلى كوبرى اكتوبر اعلى ميدان عبدالمنعم رياض تحولت الى "ساحه انتظار كبيره" ...فوق الكوبرى!! باعه جائلين,عربيات بتركن صف "تالت" ياجماعه جربو مرو فوق الجزء ده يوم الخميس او الجمعه وشوف المهازل...زفات ,استعراض بالسيارات بطريقه خطره ,ده غير الطامه الكبرى "مواكب المتوسيكلات الصينى ".......انت ممكن تاخد الكوبرى كله من اوله لاخره فى 30 دقيقه وتقف هناك ساعه كامله.....
المشكله تكمن فى حاجتين:
- تقاعس شرطه المرور والمرافق والجهات المختصه فى وزاره الداخليه عن اداء مهمتها فى حفظ الامن والنظام.... بل ايضا ممكن اضافه كلمه تواطئ
- انشار العادات السيئه بين جموع الشعب المصرى و عدم احترام القوانين "ودى كانت النتيجه"
طب الحل ايه:
انا معنديش اى خبرات امنيه او عسكريه ..بس اعتقد انك لو جبت شويه ظباط "رجاله" وجبت فقط "اربع اوناش مرور" بجانب قوه فى البوكس واتوزعوا على جنبات كوبرى اكتوبر واتمركزو على طول والله العظيم ما هيحصل حاجه تانى ....
ومن الاخر الشعب المصرى اللى انا منه لازم يتعمل معاه كده لان من الواضح ان طعم الحريه الحلو
قلب بمراره .... انا من كتر الحزن مش لاقى حاجه تتقال غير "حسبى الله ونعم الوكيل "
|