[تامر ديزل]

اولا فكرة حضرتك هايله جدا ونفسي الافكار اللي زي دي تنتشر ف المنتدى ويكون هنا مكان لتبادل وتقويم الافكار
المعلمين وجميع العاملين في قطاع التعليم في مصر دخولهم الرسميه دون المستوى اللازم لمعلم مطلوب منه نقل الثقافه والعلم الى الطلاب سواء كانوا اطفال او شباب..... تمام كده دي اول حاجه نتفق عليها
جميع العاملين بالاجهزه الحكوميه دخولهم الرسميه دون المستوى صحه شرطه محليات كله .... تاني حاجه
في المقابل الاداء الفعلي للعاملين بالاجهزة الحكوميه بالكامل دون المستوى ومحاط بالشبهات تحت بند اعمل ايه مانا لازم اواجه اعباء الحياه فيبحث عن دخل اضافي من نفس المكان اما دروس خصوصيه او مجموعات تقويه وهميه او البلاوي التي تحدث في المؤسسات الحكوميه الاخري ويكفينا هنا مثال المعلمين
وبالتالي احنا قدام مشكله حلزونيه دائريه وعايزين نقترح لها حل ؟
مايصحش ان المدرس صانع المستقبل يكون متدني الدخل لدرجة انه يستجدي التلاميذ للحصول على هدايا او يضطرهم الى الدروس اضطرارا وفي نفس الوقت الحكومه معندهاش تدفع اكتر من كده دلوقتي لان الحكومه المصريه مصروفها كبير بالنسبه الى دخلها
طيب الحكومه تزود شويه المصروفات المدرسيه علشان تدفع للمحتجين فيكون الضحيه هو ولي الامر اللي هايدفع مصروفات اعلى وبرضه بيدفع دروس لنفس المحتجين اللي مابيقوموش بعملهم بضمير وما بيشرحوش للطلبه بغض النظر عن الاضراب دي حقيقه واقعه دلوقتي ان المدرسين فالمدارس في اعلى درجات التهريج والتقصير
حلزونه طويله
حلها ف رايي المتواضع زيادة الاعتماد على التعليم الخاص الحكومه تفتح ايدها شويه ف الموافقات بتاعت التعليم الخاص وتحسن شروط انشاء المدارس ها تخف عن نفسها تكاليف كتييير واللي يتوفر يردوه على المدرسين الموجودين وساعتها يكون فيه حساب
انت مدرس كويس تتكافئ وانت مدرس فاشل بتشرب سجاير ف الفصل وبتقول كلام بذئ مع الطلاب يبقى بره ماتلزمناش
اما بخصوص رايي ف الاضراب بلاش اقوله احسن يتقال عليا فلول وتتحول الصفحه الجميله دي اللي حضرتك مفتتحاها جديد عشان نقول راينا باحترام وحريه ممكن تتحول لمأساه
اشكرك تاني مره ومستعد للمناقشه