[helmy_foad]

المشاركة الأصلية كتبت بواسطة خطوه لأعلى الف مبروك على العربية اه صحيح هى 2011 ولا 2012 ! ومنتظرين رأيك فيها و صورها لان انا عايزة اشتريها بس الناس مخوفنى منها

موديل 2012 ، و بالنسبة للصور أنا حطيت الكاميرا تشحن و هأنزل أصورها كمان شوية ، علشان مشحنتهاش إمبارح لأنى كنت عمال أنكش فى العربية طول الليل
و رأيى فيها أنها لغاية دلوقتى زى الفل بس العربيات ميتحكمش عليها من يوم ، أنا كدة خرجت بيها مشوارين ممتازين و كانت كويسة جداً
و بعدين أنا قررت أسمع رأى الناس اللى بتشكر فيها لأن اللى كانوا بيخوفونى منها ميعرفوش عنها غير أنها عربية صينى و خلاص و دة أساس حكمهم عليها ، بس اللى شكروا فيها دول ناس جربوها و أقتنعوا بيها ، و كمان الحكاية بيبقى فيها شوية نفسنة لأن العربية بالحجم دة و المواصفات دى و الكماليات دى و بالسعر دة تحرق دم ناس كتير جايبة أنواع تانية فى نفس الفئة بفرق مالى كبير و كماليات أقل كمان
أنا شخصيا أشتريتها عن إقتناع و كمان لأنها كانت مناسبة جداً لظروفى المالية و دة باين قوى من انى أخترت ال 516 LS و مجبتش ال 516 FO لأن ال 6 الاف جنية فرق بين الاتنين كانوا هيفرقوا معايا جداً ، و الواحد كان لازم يتوكل على الله و ياخد القرار و يقطع العرق و يسيح دمة