السلام عليكم...
انا متابع كل التقارير اللى هنا فى مصر موتورز بس دى اول مرة اشارك فعليا
عندى سؤال بخصوص النترا 2012 اللى ناويت اشتريها ان شاء الله بعد تفكير كتييييييير، اشترى توكيل و لا خليجى ؟؟
انا روحت شوفتها فى سمير ريان باعتباره من اكتر الاماكن المشهورة و كما يقال ان السعر عنده اقل من ناس تانية و كويس، المهم انا بالنسبالى محدد انها تكون اوتوماتيك و ايرباج و ايه بى اس
لاقيت اتنين عاجبينى: التوكيل عاملة 132500 (اوتوماتيك و ايرباج واحدة و اي بى اس و تارة مالتى فانكشن و فوج لايت و انذار)
الخليجى اللى عاجبانى عاملة 140000 (اوتوماتيك و ايرباج واحدة و اي بى اس و تارة مالتى فانكشن و جراب و فتحة سقف و جنوط 16 و الكراسى الخلفية ممكن تتنى و تكييف طبعا جامد و نيكل حولين الكاسيت و دواسات نيكل و3 مستويات تحكم فى النور العالى لكن مفيش فوج لايت ولا انذار) وطبعا الفينيش بتاع الخليجى واضح جدا و قيم اكتر من التوكيل
انا مقتنع بالخليجى بس محتار علشان موضوع الضمان
سمعت انى ممكن اجيب خليجى و اركب الانذار و الفوج لايت و اشترى ضمان مع شركة AAA اللى متخصصة فى صيانة الخليجى لماركات كتير و تقريبا هي توكيل الخليجى. الضمان 3 سنوات او 60000 كيلو
يا ريت حد يقولى انهى اختيار افضل و اذا كان حد اتعامل مع AAA يقولى فارقة كتير عن الوكيل ؟؟