[aymangalal]

المشاركة الأصلية كتبت بواسطة jamil اسأل اي حد معرفتك علي ميكانيكي هو بيثق في شغله وامانته وخليه يروح معاك واسمع منه وخلي عينك عليه وهو شغال ونصيحة متسبلوش العربية ولا لأي صنايعي ومتروحش للاولاني تاني وربنا يعوض عليك في اللي فات والعلام مش ببلاش

كلام مظبوط جدا ... يستحسن ماتروحش لاى واحد وخلاص واسأل قبل ماتروح زى ما اخواننا الافاضل نصحوك ... انا كنت ماعرفش حد واى صنايعى دلوقتى بتعامل معاه جه نتيجه معرفه ومعامله اكتر من مره لغاية ما اثق فيه شخصيا وفى صنعته

المشاركة الأصلية كتبت بواسطة حسام البورسعيدى احنا هنا صوتنا اتنبح يا جماعة محدش يسب عربيته لاى صنايعى يصلحها من غير ما تكون قدام عينه .. والنتيجة نصب من ميكانيكى معدوم الضمير .. .

القاعدة رقم واحد فى الفصل الاول من الصيانة للمبتدئين ... خد بالك منها كويس يا روميو

المشاركة الأصلية كتبت بواسطة sherif fersh بس أحب أضيف ... ما تخليش الميكانيكى يحس أنك مش فاهم أعرف واحد كان كل مايروح للميكانيكى يقول " مش عارف .. مش عارف " النتيجة انه كان بيدفع كتير من غير فايدة لا تظهر عدم معرفتك طيب بس أنا مش عارف فعلا .. أعمل أيه ؟ يبقى أسأل عن كل تفصيلة و كل حاجة بيعملها .. دى ليه و عشان أيه ؟ و أبقى رخم و ما أتكسفش لو أشتغلنى مره مش هايعملها تانى روح لميكانيكى تانى و قول اللى حصل بالضبط من النصاب الاولانى و الله الموفق ‘

كويس جدا الكلام ده ... وانا اتعلمت اعمل كده فى البدايه والحمد لله الخسائر مش كتير مقارنه باللى انا استفدته منه فى التعامل مع الصنايعية

المشاركة الأصلية كتبت بواسطة AboNoRa بص هو عامة من حقك تطالبة على الاقل بال 150 جنية مصنعية الشغل اللى لسه مخلصش او يخصمهم من مصنعية باقى الشغل لو انت هتتعامل معاه تانى وبرضو كنت المفروض تعرف ال 150 التانية ديه جاب بيها ايه وبكام ومنين وعموما يفضل ان انت اللى تتشرى قطع الغيار لعربيتك او تاخد معاك صنايعى وتشترى منها تتعلم ومنها ميتنصبش عليك وتبقى منصوب عليك فى مصنعية وقطع غيار كمان طبعا مفيش كلام يتقال بعد كلام حسام وشريف وطالما انت قرفان من الراجل ده ومش مطمنله انصحك تستعوض ربنا فى اللى فات وتشوف ميكانيكى محترم او معرفة حد صاحبك وتشوف ايه اللى يتعمل وانا رائى ان الفتايس الكورى القديم لو فتحت بقها تتغير متتصلحش

تسلم يا ابو نورا على الكلام (الدرر) ده واسمحلى اضيف نقطة صغيرة .... حتى الوحد لو مش فاهم يسأل ومايتكسفش على الاقل عشان يعرف سبب العطل ده ايه؟؟؟ مش يمكن سوء استخدام بدون قصد؟؟؟ عشان اعرف ازاى اتعامل بطريقة صحيحة مع العربية وكمان جر كلام (على حسب الصنايعى) كأنك بتتصاحب عليه وكلمه فى الشغل على كلمة بره الشغل تقدر تفهم مبدئيا الصنايعى ده دماغه ايه.. وكمان خد بالك من كلامه ومعاملته مع الاخرين ...وصنفه(اعمل له تصنيف) حسب وجه نظرك على المستوى الشخصى والعملى .. وكمان قبل ما يحط ايده فى اى مسمار ويفكه ويبتدى يصلح اعرف المشكله فين ؟؟ وسببها؟؟ وهاتتكلف كام قبل اى شىء؟؟ عشان مش بعد مايخلص تتفاجىء بمصنيعيته او سعر قطع الغيار اللى اشتراها.... وباين عليك من الناس اللى بتتحرج وبتتحط قدام الامر الواقع (لا بتفاصل ولا بتتكلم فى فلوس) وكده ماينفعش فى مجال صيانة العربيات...
ودعواتى لك بالتوفيق ومزيد من التعليم المفيد ان شاء الله