شكرا ً اولا ً لرسالتك و من حيث الموضوع ده . فالعربيتين حلوين بجد و دي مقانه صغيره بينهم بالعدل و طبعا ً من وجهة نظري الشخصية :-
1. الشكل : و ده انا برشح فيه الاسبرنزا عن اللوجان (من رأيي الشخصي)
2. الموتور : برشح موتور اللوجان موتور صوته هادي و التسارع بتاعه افضل كتير من الاسبرنزا
3. الوسع : و ده فالاسبرنزا بشكل كبير جدا عن اللوجان
4. الكماليات : و دي بديها للأسبرنزا الكامله و لو بتقارن بالاسبرنزا الفاضيه يبقي اللوجان افضل
5. خدمة ما بعد البيع : (الضمان و التوكيل) طبعا ً الرينو افضل كتير من الاسبرنزا
6. سعر البيع فيما بعد : اظن ان ال 2 واحد يعني اذا كنت اخترت اي عربيه منهم فهما ال 2 هاتخصر فيهم لما تيجي تفكر تبيعهم و يعتبر اللوجان احسن شويه في اعاده البيع عن اللوجان (علشان انت فالمنصورة و كل اهالي المنصورة كلمتهم الوحيده ده صيني) فكده يبقي الرينو افضل
7. قطع الغيار و اسعارها : الاسبرنزا قطع غيارها ارخص شويه (بس مش بتعيش قد كده) انما اللوجان حاجتها بتعيش كتير عن قطع غيار الاسبرنزا
و كده يبقي انت عندك المقارنه و الافضل انت اللي بتختاره بس ممكن ارشح ليك فالاختيار اللوجان (عربيه ممتازه و عمرها ما تنزل معيوبه من التوكيل او المصنع) انما الاسبرنزا كتير منها معيوب فانا رأيي الشخصي الرينو و انت طبعا ً ليك حريه الراي فاللي تختاره و خلي بالك انك لو جبت عربيتين من دول اوعي تفكر تبعها الوقتي خالص علشان هتخسر فيها كتير و لو بتحب تغير العربيه كل 3 سنين و لا حاجه يبقي شوف بقي الانوس او الفيرنا افضل في اعادة البيع كتير
و شوف انت هتختار ايه الاول و بعد كده هنتكلم في موضوع التقسيط و هيبقي فين . متابع معاك