رد: اريد سيارة فى حدود 70 الف جنية
اتوكل على الله و هات لوجان و لو ليك اى استفسار تانى انا تحت امرك و متقلقش من التوكيل التوكيل محترم جدا و يعد من افضل التوكيلات فى مصر و اسعار قطع الغيار غالية فى التوكيل علشان فرنساوى اصلى و عليها ضمان لمدة عام و من قلب التوكيل نفسه .
انما خارج التوكيل زيها زى اى عربية كورى و لو انت من القاهرة روح التوفقية و اسأل و لو من اليكس روح صلاح الدين و اسأل و طبعا فى امكان قطع غيار كتير و قطع الغيار نزل منها تركى و كورى و صينى و طبعا كل حاجة و بتمنها .
بس بور اللوجان تقيل شوية يعنى تقدر تقول عليه هاف باور علشان ابقى صريح فى كلامى بس بيخلى العربية ثابتة تماما على السرعات العالية و بيديها ثبات رهيب .
و كمان لو بتاع جرى و شد يبقى خليك فى الفيرنا افضل و متنساش ان اللوجان عربية عائلة مش رياضية .
غير كدة راكب عربية شيك و كلاسيكية و عالية و واسعة و محترمة و ليها اسم كبير و سيمبل فى نفس الوقت .
كمان ممكن تلحق اللوجان بلاك لاين و دى سعرها 71500 الف جنيه و زياها MB3 مش اوديو و يوجد ذراع للتحكم بالكاسيت اسفل الطارة و الفرش بتاعها جلد مخملى مائل الى الأسود الداكن و ربنا يوفقك فى اختيارك سواء لوجان او غير لوجان و مبروك مقدما .
|