[mf]

المشاركة الأصلية كتبت بواسطة ابوشروق الف الف حمد لله على سلامتك فكرتنى بايام الجيش كنت فى سلاح المظلات وكان فى يوم عندنا قفز فى وادى العواسج بالاسماعلية والمفروض عند الوصول للارض السير الى اتجاه قنابل الدخان فى الارض واليوم ده كانت سرعة الريح عالية نوعا ما وقنبلة الدخان تولع من هنا واثرها يختفى فى وقت قليل ودور بقا على منطقة التجمع واليوم ده كان القفز فى السادسه صباحا وعلى متجمعة القوات ولموهم من الصحراء روحنا انشاص الساعة 2 باليل بس والله كانت اجمل ايام حياتى

انته بقي فكرتني باللي مكنتش عايز افتكره ياابو شروق في الكليه الحربيه كان علينا ماده المظلات بناخدها في السنه التانيه ..

وكنا بنروح لوحده المظلات اللي في طريق بلبيس وانته عارف بصفتك خبرة في المظلات ان قفز المبتدئين غير القفز الحر كان كل طالب 3 قفزات لازم يقفزهم بالذووق بالعافيه هتقفز هتقفز

كنا لابسين مظلتين ... الرئيسيه علي الظهر دي بتتفتح اتوماتيك اول مانقفز من الطيارة والتانيه احتياطيه وبتكون علي الصدر علشان لو لاقدر الله الاولي متفتحتش نفتح البارشوت التاني ...

انا قفزت والمظله فتحت ميه ميه وكله تمام متعرفش بقي ايه اللي خلاني العب في المظله التانيه لحد ماتفتخت هيا كمان وبقوا مظلتين وبدأوا يلفوا علي بعض ويلفوا علي رقبتي ويضغطوا علي العمود الفقري وانا حسيت اني هنفجر وبدأت أردد الشهاده اه والله وببص تحتي لقيت ناس بتجري وعربيات اسعاف لحد ماربنا كرمني ونزلت علي الارض بتوفيق من الله عزوجل

كان موقف لااحسد عليه