تفسير : ليه لو عربية جايه بتزمر بتسمع صوتها رفيع و لما تعديك تسمع صوتها تخين
كلنا بنحس بالموضوع ده عربية اسعاف مثلا تلاقيها جايه عليك و صوتها رفيع و بعد ما تعديك تلاقى الصوت بيتخن
نبتدى بالسهل لو العربية واقفة حتبقى موجات الصوت على شكل كور مركزها مصدر الصوت و عماله تكبر و تنتشر بسرعة الصوت الى هو تقريبا 340 متر على الثانية
طبعا بما ان العربية واقفة فالصوت زى بعضه من جميع الجهات
اما لو العربية بتتحرك طبعا بسرعة اقل من سرعة الصوت حيبقى المنظر كده
باين فى الصورة الى فوق العربية بتتحرك فى اتجاه A و ان موجات الصوت متضاغطة قدام العربية و متباعدة ورا العربية
طبعا من الصورة واضح انا قصدى ايه
و زى ما احنا عارفين ان تضاغط الموجات حيؤدى لسلسعة الصوت و تباعدها يؤدى لتخانة و رخامة الصوت
__________________
سبحانك لا علم لنا الا ما علمتنا
|