[YahiaAshraf]

المشاركة الأصلية كتبت بواسطة ShamG السلام عليكم انا بقى معايا بالظبط 85 الف بدور على حاجه قويه ثبات وسرعه ومنظر كويس اهم حااااااااجه وابعدنى عن الكورى :D ياريت تفيدنى اجيب ايه بال 85 دول

حاضر هقول لحضرتك بس ليه الكورى لا
فى حاجات فيه ممتازه

بس حضرتك مش محدد عاوز بالتمن ده مستعمل ولا زيرو
نفرض الاتنين
اولا الزيرو
عندك رينو سيمبول فول اوبشنز مانوال 1400 سىسى ب 85 الف

عندك رينو سكالا فول اوبشنز 1600 سىسى مانوال ب 82 الف

و الاتنين فرنساوى ممكن تلاقى فى منهم تقفيل تركى بس اساس يابانى

طبعا لو هتقل بالمبلغ عندك رينو لوجان بلاك لايان ب 71 الف تقريبا


نيجى بقى للمستعمل
عندك اوبل استرا 2007 اوتوماتيك او مانوال ب 85 الف

عندك بيجو 307 استيشن كبيره موديل 2008 ب 85 الف اوتوماتيك او مانوال بنفس السعر

عندك سكودا اوكتافيا a5 موديل 2006 ب 85 الف
عندك فولكس فاجن بولو موديل 2009 سيدان او هاتشباك و مانوال او اوتوماتيك ب 75 الف
ايوه 75 الف

عندك فولكس فاجن بورا 2005 احر انتاج ليها ب 85 الف
او عندك 2002 من 75 الى 79 او 80 الف

عندك فولكس فاجن سوران 2009 تعمل 85 الف
و دى بقى معايا من 2009 عربيه هايله من اوبشنز و جبت بيها 170 كم
و كانت قابته و مش هتحس انك ماشى اصلا

و شكل فخم جدا

عندك كمان ميتسوبيشى لانسر 2009 مانوال من 83 الف الى 85 الف جنيه
لو اوتوماتيك 2009 تعمل 87 الف

لو موديل 2008 اوتوماتيك ب 82 الف


عندك كمان هوندا سيتى 2008 اوتوماتيك ب 79 الف
و عندك كمان هوندا سيفيك 2005 ب 85 اوتوماتيك

كده انا قولتلك افضل حاجه بالتمن ده
كنت ممكن اقولك تريوس 2008
بس مرشيتش لانك بتقول عاوز حاجه ثابته و دى مع السرعات العاليه مش هتثبت معاك

لو استقريت على حاجه قولى اسم الموديل و انا هدورلك على المستعمل منه
تحياتى
AHL NWSHALNAHLNWSHA LN