[amrodardiry]

نقطة في بحر مشاركاتك يا مستر yhiaashraf
نكمل
نوع الكاوتش شيات تركي 450kg- R15/175 - 82T- Ceat- Spider ناعم ومبيطلعش صوت عمل 85 الف كم مستريح
الرادياتير علب فبر - مياه خضراء- حساس المروحة (الساعة) 90 درجة- مروحة كهرباء
باور ستيرنج حلو جدا
كاربراتير ( ممكن بنزين 80 شغال كويس يوفر نصف تكلفة الـ90 واحسبها في السنة علشان تتخض)
جر خلفي (كارونة)
كاتينة جنزير (صوتها عالي - الاسكودا فافوريت جنزير برضه)
الكبوت بيفتح لقدام (نوع من الامان لو فتح غلط علي سرعة عاليه)
الحصان 77
السرعات يدوي 5 + R
نقل السرعة: (الاول حتي 20 كم/س - الثاني حتي 40 كم/س -الثالث حتي 60 كم/س - الرابع حتي 80 كم/س - الخامس براحتك اخرك 140 كم
الفرامل زيت تيل امامي - ديسك خلفي - تحتاج مسافة امان في السرعات العالية عشلن تلمها لان وزنها تقيل ولها قصور ذاتي عالي وممكن تحدف شوية حسب الزوايا والتراب علي الارض (80 كم/س السرعة الامنة)
فرامل اليد ضعيفة في السرعات العالية وتحس بيها في الملفات بس
التسارع من 0 الي 90 أقل من دقيقة في الطلعات العادية الغير مجهدة للموتور وهو سخن وانت محمل
الاتزان يزداد مع التحميل في الشنطة والكنبة وعمرها ما تعوم بس السرعة مش حتعدي 90 لو خايف عليها
اشد عزم ع التالت ولو في مطلع دوس
العربية بتحك في المطبات بسبب علبة البيئة ولو حتعليها بجلب مش حتتوزن معاك (خد المطب بالعرض احسن)
قطع الغيار رخيصة جدا ومتوافقة مع الفيات
كل الميكانيكية بيفهموا فيها كويس بس مشكلتهم يفهموا صاحبها بيصرف ولا لأ (يعني يصلح ولا يغير)
من اهم المشاكل (بجد مش الحرارة) لازم تتظبط كل فترة (كهرباء وهواء) ولازم تبص علي التشحيم وفحص الزيوت علي الاقل مرة كل شهرين
التراب في الصالون خير (ده لو مافيش تكييف)
موفرة في المخالفات (ده لو حد حطك في دماغه اصلا) بس خلي بالك من الصف تاني
اشهر حوادثها الرفارف
موفرة في المشاوير (تحلف علي زمايلك وميركبوش)
لو حتشتري حقولك تعمل ايه في الحرارة (هندسيا)
تحياتي